曾智華 - 主體官員解說不足｜祿祿無窮
曾智華
2022-07-15 00:00
字體大小
上屆特首林鄭離任前，接受N個訪問，訴說自己其實做得幾好（哈哈，自己讚自己！ ）。對於「遣返條例」結局，佢拋下一句震撼官場批評：「主體官員解說不足！」
其實，所有高官皆知，任何政策，影響到整個社會的，為安全計，理應先作全面諮詢。
點解要咁？因官員多數「離地」，愈高官愈離地，你睇林鄭唔識用八達通、唔識買廁紙，已知由呢類腦袋度出嚟的政策，幾咁危險！
所以，政壇老叔父教落，未推出政策前，幾大先由AO小組反覆自己「踢蹺」，腦震盪一番。然後，再向業內人士及持份者（stakeholder）全面諮詢，以免上到立法會俾人鋤低。
個個掌權者其實個心都想事事由上而下，一錘定音，我話咁就咁，免煩，你話幾過癮。
不過，社會由無數不同思想、教育、利益、信仰、品味、財力……者組成。任何政策，若得不到大部份市民支持，或起碼接受，點推？夾硬嚟必惹反彈，製造不安。
香港既然已經「由亂入治」，就一定唔好再走返轉頭。醫務衞生局局長盧寵茂，做慣名醫，在手術室當然大晒，我話咁就咁，我係專家你哋唔係！
不過，從政、做官，你想鑑粗推個紅黃碼而唔事先諮詢？唉，一講已輿論加民意起哄，提出N咁多質疑。
盧局長，不爭朝夕，蛋糕焗熟先上枱啦！
曾智華
其實，所有高官皆知，任何政策，影響到整個社會的，為安全計，理應先作全面諮詢。
點解要咁？因官員多數「離地」，愈高官愈離地，你睇林鄭唔識用八達通、唔識買廁紙，已知由呢類腦袋度出嚟的政策，幾咁危險！
所以，政壇老叔父教落，未推出政策前，幾大先由AO小組反覆自己「踢蹺」，腦震盪一番。然後，再向業內人士及持份者（stakeholder）全面諮詢，以免上到立法會俾人鋤低。
個個掌權者其實個心都想事事由上而下，一錘定音，我話咁就咁，免煩，你話幾過癮。
不過，社會由無數不同思想、教育、利益、信仰、品味、財力……者組成。任何政策，若得不到大部份市民支持，或起碼接受，點推？夾硬嚟必惹反彈，製造不安。
香港既然已經「由亂入治」，就一定唔好再走返轉頭。醫務衞生局局長盧寵茂，做慣名醫，在手術室當然大晒，我話咁就咁，我係專家你哋唔係！
不過，從政、做官，你想鑑粗推個紅黃碼而唔事先諮詢？唉，一講已輿論加民意起哄，提出N咁多質疑。
盧局長，不爭朝夕，蛋糕焗熟先上枱啦！
曾智華
最Hit
51歲鄭秀文突自爆做「高齡產婦」！去年因病停工神隱 曾指許志安堅拒要小孩
2024-04-18 20:00
$1000/日體驗做洗碗工 港男被餐廳額外安排2工作感「崩潰」開工後哭訴：不是人做的
2024-04-18 19:08
袁偉豪張寶兒晒萌B照賀「袁咕碌」5個月大 一部位現紅印疑患XX導致突然忟憎？
2024-04-18 21:00
更多文章
