曾智華 - 中招一次，收禮四次｜祿祿無窮
曾智華
2022-07-19 00:00
字體大小
正常人，一定喜歡收到禮物（行賄的除外！ ）。童年時，大家皆信有聖誕老人，信佢會聖誕夜偷偷四出送禮物。所以，小朋友個個睡前牀頭放大大隻聖誕襪，準備收禮物。
Those were the days!
成年後，當然冇咁「賴依芙」，但仍喜歡聖誕收到禮物。冇人送？自己送！家家戶戶都砌棵聖誕樹，樹下放滿禮物，製造氣氛。
事實，多年來，禮物我收唔少，全部親戚朋友送。但，最近，一生人第一次，收到「政府大禮物」，全部送上門O添。嘩！無微不至！
乜呢？當然不會無緣無故！正因小弟上周五早上，撩鼻做快測，弊！「兩條線」！喉嚨亦有點癢，再做多次，確認！
認識的朋友，不少沒有上報。我呢？老婆大人及仔女規定，冇得揀，報！
一報，嘩，多嘢做囉。
首先收「隔離令」，聲明你若果咁咁咁就犯法，一經定罪面臨罰款及監禁六個月（好驚驚！）。
然後，有專人上你家「送」化驗樣本袋，佢企門口等你做，再取走藥水瓶。
翌日，再有大禮送（見圖）。喂，聖誕老人都冇咁慷慨呀！數數先：脈搏血氧定量計、醫用外科口罩、傷風咳熱飲、連花清瘟膠囊、必理痛、撲熱息病藥、檢測工具、探熱計……專人送到上門。
晚上，再有禮物——電子手環。
中招一次，送禮四次，政府錫晒你！
曾智華
Those were the days!
成年後，當然冇咁「賴依芙」，但仍喜歡聖誕收到禮物。冇人送？自己送！家家戶戶都砌棵聖誕樹，樹下放滿禮物，製造氣氛。
事實，多年來，禮物我收唔少，全部親戚朋友送。但，最近，一生人第一次，收到「政府大禮物」，全部送上門O添。嘩！無微不至！
乜呢？當然不會無緣無故！正因小弟上周五早上，撩鼻做快測，弊！「兩條線」！喉嚨亦有點癢，再做多次，確認！
認識的朋友，不少沒有上報。我呢？老婆大人及仔女規定，冇得揀，報！
一報，嘩，多嘢做囉。
首先收「隔離令」，聲明你若果咁咁咁就犯法，一經定罪面臨罰款及監禁六個月（好驚驚！）。
然後，有專人上你家「送」化驗樣本袋，佢企門口等你做，再取走藥水瓶。
翌日，再有大禮送（見圖）。喂，聖誕老人都冇咁慷慨呀！數數先：脈搏血氧定量計、醫用外科口罩、傷風咳熱飲、連花清瘟膠囊、必理痛、撲熱息病藥、檢測工具、探熱計……專人送到上門。
晚上，再有禮物——電子手環。
中招一次，送禮四次，政府錫晒你！
曾智華
更多文章
