任睇No.1
  • 26º
  • 94%
  • 2022年8月19日 星期五

曾智華 - 衞生防護中心留意|祿祿無窮

一旦中招,一定要上報,以便政府收集數據安排你適當隔離,以及送上需要的文件、工具及藥物。全部由衞生防護中心負責。

呢呢,小弟經歷完上報及收到幾份「禮物」後,有一點,希望中心主任區家榮醫生留意及跟進!

當染疫者一上報,立即有四大「禮物」:

首先為隔離令,手機已可收到,清楚指示你點做,唔做點罰。最令大家安心為第六七日一連兩天快測若陰性,即可自剪手帶,隔離令自動失效,正!

不過,第二三及四份禮物就煩嘞,因要專人上門,咁就大問題。

上報後,小弟手提電話不停響。個人習慣,從不聽電話,因以往被太多微信女、借貸公司、地產經紀,各式騙徒……滋擾,故除非有來電顯示何方神聖,否則,一律請留言。

奇在,來電不停響,但又神神秘秘冇顯示。結果,三次後,好奇聽聽邊個咁鍥而不捨搞我。

「請問有冇謝志偉?」

「冇!打錯!咪住,你邊度打嚟㗎 ?」

「衞生防護中心!」

「咁,個名係咪你用英文譯㗎?讀次原名聽吓。」

「TSANG CHEE WAH係咪你?」

「係,有乜事呢?」

「送化驗樣本袋畀你,即抽樣即攞走,我在樓下,請你開門。」

化驗樣本袋係咁,藥物測試劑綜合包係咁,電子手帶(圖)都係咁。奇,點解防護中心職員咁神秘,唔可以有來電顯示的呢?
曾智華

hd