任睇No.1
  • 27º
  • 93%
  • 2022年8月19日 星期五

曾智華 - 打得Vs睇得|祿祿無窮

上屆特首林鄭月娥「好打仔」綽號,乃N年前由前政務司司長許仕仁替佢起。

打吓打吓,打到登頂做特首。結果……中正管理學大師Lawrence J. Peter的經典理論——彼得理論(Peter Principal)。意即在一個組織的等級制度中,某人會因其特質或特殊技能,最終被擢升到不能勝任的高階職位,之後,就變成整個組織再前進的「障礙物」。

林鄭在市民心目中的能力及表現,已多次在公開民調中顯現,次次結果相同,冇得拗。

結果,最後要中央兩度介入,以確保香港管治不倒(劉兆佳教授清楚指出)。

林鄭的強項,是好打得。不過,打來打去是「單打獨鬥」,因性格高傲,絕少睇得起人。這類領袖,極難組織到一個誠心誠意、為共同目標奮鬥的團隊。

相信,李家超早有親身感受,故在under林鄭時,已有所悟,知道自己再叻,都冇可能攬晒十五個局長工作上身!

故此,一開波就強調團隊精神,盡量希望去個人化。

得唔得?未知。因新班子嚴格上未經考驗,亦尚未交出「百日功課」。

不過,起碼形象上,超哥要求做到足。故此,外判高手影下「要打就一齊打」的團結相,谷一谷士氣先。

呢方面,觀感已遠勝上屆政府。

最終如何,當然要等《施政報告》見真章!
曾智華

hd