曾智華 - 「餃里」靚素餃｜祿祿無窮
曾智華
2022-07-29 00:00
字體大小
只要肯拋磚，分分鐘引到玉！
早前介紹過土瓜灣「老上海」蘇大媽親手包餃。讀者得知我愛北京水餃後，紛紛報料。
試過幾間，有啲得有啲「未得」（希望日後得）。終於，撞到間由一對恩愛年輕小夫婦經營的「餃里」，相當得，可以延續小弟的「義助初創者起飛計劃」作推介！
店主名王師，本業設計師，基於太太喜歡食餃子，又愛做餃子，而小王也感到這個市場仍有非常大開發空間，遂毅然放下正職，年多前租下屯門一間小店開業。雄心勃勃，強調純手工煉成，百分百香港製造，希望日後能殺出一條「餃子血路」，奔向世界，將香港精神發揚光大！
有壯志而想沖天飛，哪個創業者不是如此？但你有冇料先？點先贏同業再衝出香港先？
王師都知，要靠傳統餃子，極難彈離老店跑出。故店內雖也有出售，但主打的，卻是老婆大人研發的十款素餃（見圖）。
包括芹菜、泡菜、韭菜、紫菜、咖喱椰菜、香茜、咖喱、椰菜、素菜及芝士粟。
屯門咁鬼遠，我當然不會大熱天時撲去，只問：「送貨？」答回：「當然送！」
「咁好！通通買，十款要齊！」好似好豪咁款，其實幾百蚊啫！
試完晒，值推介。大家睇睇喜歡否？
地址：屯門湖秀街2號悅湖山莊商場地下51號
電話：6199 5452/2861 2328
曾智華
早前介紹過土瓜灣「老上海」蘇大媽親手包餃。讀者得知我愛北京水餃後，紛紛報料。
試過幾間，有啲得有啲「未得」（希望日後得）。終於，撞到間由一對恩愛年輕小夫婦經營的「餃里」，相當得，可以延續小弟的「義助初創者起飛計劃」作推介！
店主名王師，本業設計師，基於太太喜歡食餃子，又愛做餃子，而小王也感到這個市場仍有非常大開發空間，遂毅然放下正職，年多前租下屯門一間小店開業。雄心勃勃，強調純手工煉成，百分百香港製造，希望日後能殺出一條「餃子血路」，奔向世界，將香港精神發揚光大！
有壯志而想沖天飛，哪個創業者不是如此？但你有冇料先？點先贏同業再衝出香港先？
王師都知，要靠傳統餃子，極難彈離老店跑出。故店內雖也有出售，但主打的，卻是老婆大人研發的十款素餃（見圖）。
包括芹菜、泡菜、韭菜、紫菜、咖喱椰菜、香茜、咖喱、椰菜、素菜及芝士粟。
屯門咁鬼遠，我當然不會大熱天時撲去，只問：「送貨？」答回：「當然送！」
「咁好！通通買，十款要齊！」好似好豪咁款，其實幾百蚊啫！
試完晒，值推介。大家睇睇喜歡否？
地址：屯門湖秀街2號悅湖山莊商場地下51號
電話：6199 5452/2861 2328
曾智華
最Hit
更多文章
