任睇No.1
  • 29º
  • 80%
  • 2022年10月5日 星期三

曾智華 - 一蚊雞腸粉|祿祿無窮

睇完標題,你會否再捽捽對眼,睇睇有冇眼花呢?冇眼花,真係一蚊雞腸粉!

地點在長沙灣兼善里,食肆叫「耆樂食堂」。

小弟好日唔去嗰邊,但老友「遊街何」則日日冇事做,兩頭遊。某日,遊到一條小巷叫兼善里……咦,乜都有噃,尤其不少二樓吊住粉紅色光管。呢類架步,識(色)途老馬自會跑上去。

老何行行吓,見到幾塊大企牌,望望價錢,心諗:「喂,唔係FA,你估五十年前咩?」

睇到乜?正是有間少少地痞裝修茶記,賣的食物,價錢時光倒流五十年。

包括腸粉(一蚊)、白粥(一蚊)、魚蛋(一蚊兩粒)、各式麵包(兩蚊)、湯米(三蚊)、豉油王炒麵(四蚊)……

真唔真?絕對真!

「遊街何」速速用手機拍低傳我:「碌Sir,起起呢間嘢個底,若然堅料,快快寫出!近日經濟咁差,經常見長者排隊輪飯,呢處咁價錢,佢哋就唔使日曬雨淋排隊啦!」

易,上網查查先。

咦,果然堅!原來「耆樂食堂」由社企銀杏館集團經營,主力派發免費福飯畀區內弱勢社群外,亦以超低價提供粥粉麵飯,就算攞綜援的,也一定負擔得起。

再睇睇,原來「耆樂」也有深層意思,正是來食的及提供服務的長者,皆有無窮快樂——耆樂無窮。
地址:九龍長沙灣兼善里15號
電話:2833 9123
曾智華

hd