曾智華 - 老的蒸發 新的冒起|祿祿無窮

兩間老字號本月結業,皆有幾十年歷史,一為蓮香樓,另一為灣仔大榮華。

N咁多人問小弟:「碌Sir,可惜否?」

坦白答:「生生不息,行業洪流!」

曾幾何時,以上兩大寶號,我也留下過不少腳印。大量友情歲月在那裏培植。

但社會要進步,就要不停更替。故此,老的必須防止自己落後,新的則要開創打拼。

商場之中,沒有同情可言。蓮香樓與大榮華,雖曾有光輝歲月,但近年,無論出品水平,用料廚功,樓面整潔,服務質素,以現今香港中等消費食肆水平衡量,就算味道合格。但整體而言,在激烈競爭的飲食業大潮中,自然沉下低啲,沉下在低啲,直至……

多次與廚神功力人馬談起老字號的沒落。其中,米芝蓮級的大T指:「不少廣東菜老字號,年復一年都只賣懷舊傳統粵菜,甚少在創意方面有所提升。事實上,懷舊傳統菜,以草根老香港為對象,根本賣不到價錢。但人工、食材及租金則月月升。於是被迫將貨就價,用平價或急凍貨充斥。再者,也出不起錢,請高手廚師,一環扣一環,加上樓面老伙記愛理不理,變相趕客,結果,難以生存!」

係咪一針見血?香港飲食生意,其實可以火旺!你睇跑馬地滿貫廳,同賣粵菜,晚晚爆!正因大廚林勸飛絕不食老本,日日絞盡腦汁,在味道及視覺方面創新也。
曾智華
更多文章