曾智華 - 另類測試|祿祿無窮

網上世界,乃一個大水(錢)塘,好鬼多機會搵錢,不少遊走灰色地帶,真係恨死正當傳媒。因上網人以億計,乜嘢質素及智商都有。大部份,更有難於啟齒的私隱問題,紛紛上網尋求答案。

於是,就令好多「專家」有搵錢機會,包括教人:豐胸、減肥、生髮、投資、溝女/仔、增強性能力、發達(真係有水魚信㗎!)……

基於上述有極大市場需要,故此,除「專家」不停開班撳水魚外,亦有大量或真或假,或正或邪商品大賣廣告。

老友「大隻P」傳來一個網上廣告,半認真半搞笑:「碌Sir,你都近七十啦,冇理由重似十八廿二咁勁嘅。想唔想知道自己勃起時的硬度等級?」

「唔想知!不過你丁友蠱蠱惑惑,一定有搞笑嘢嘅,放馬過嚟啦!」

「好多上咗年紀男人都有勃起硬度問題,所以,偉哥就出咗一套自我測試套裝,計你的EHS(Erection Hardness Score)。呢套嘢有四支圓柱體,分四個等級,專供個人評估。你可逐支捏一捏,然後將自己性器官硬度與四肢圓棒硬度相比較,掌握其程 度,而醫生也可以因應報告作出針對性治療嘞。呢套嘢口號係——Hardness That Satisfies。」

我冇佢咁好氣。只純好奇睇吓。各位,若你要測試,自己尋找啦!
曾智華
更多文章