任睇No.1
  • 28º
  • 79%
  • 2022年10月7日 星期五

曾智華 - 志偉驚完笑爆嘴|祿祿無窮

自從香港禁咗非法投注海外賽事後(其實,擺明針對澳門馬,以免畀佢坐大),澳門馬立即陰乾,彩池玩吓縮啲,玩吓再縮啲,變成雞肋賽馬。自然,高手騎師個個走人。

近兩年,更大大大大鑊!疫情關係,連內地同胞尤其珠海馬迷都冇埋,蝕到眼光光。

不過,既然唔執得(或未執),都要搞落去的。幸好,還有一年一度的「港澳盃」充撐吓場面。

澳門為避開香港馬季,故此,最高獎金的打吡,安排在香港唞暑才舉行,希望多點人關注。

今屆,就在八月初跑,幸而仍有商業集團大手筆冠名贊助,總獎金二百三十萬元。冠軍獨取一百一十五萬元。

呢場賽事,本欄讀者,相信冇幾多會有興趣。咁,點解我會寫?因賽果相當驚人!而頭馬馬主,更是港澳無人不識的TVB總經理曾志偉!最近《獎門人》一出,又再家傳戶曉。

香港馬迷,個個認識怪馬「巴基之星」,尤其最難忘的一場,為二○一六年初初亮相,十六倍半冷門,出閘大墮後,好似唔識競賽。不過,最後四百米,恍似馬神上身,逢馬過馬拋離大勝,成為國際馬壇頭條新聞!

月初澳門打吡又如何?志偉旗下的「不醉無歸」,一樣,出閘包尾,兩頭片,轉彎更失蹄,恍似有少少跛跛地,再波勾外避。點知,又係,直路中段,突大發神威,贏到其他馬只可食塵!
曾智華

hd