任睇No.1
  • 27º
  • 91%
  • 2022年10月7日 星期五

曾智華 - 政治鼓勵虛假|祿祿無窮

三十六歲的芬蘭女總理馬林,參加派對狂野熱舞影片曝光,被外界大力抨擊,話成何體統?

究竟佢做錯乜?在私人派對全程投入,享受音樂,甚至享受酒精帶來的興奮,有乜唔妥?

冇吸毒?冇!冇醉臥街頭或酒後駕駛?冇!

一個年輕人,與老友一齊happy下,正常過正常,究竟邊個會要求一個唔正常的人做總理?又或者,虛虛假假,明明喜歡跳舞扮唔喜歡,明明喜歡飲酒扮唔飲酒……

一邊睇呢段新聞嘅發展,一邊希望有同輩女性政治人物,別國的傑出年輕女性出來聲援,把無聊的批評頂回去。

不過,又似乎唔多見。可能是有所顧忌吧。幸而,終有個希拉莉出手——Keep on dancing!並登出佢做美國國務卿出訪哥倫比亞時的忘情熱舞相片。其實,這才是一個活生生、真情真性的人,而不是假惺惺的「油淋淋」政客。

小弟多年來見盡不少名人政客高官,人前真係「勒」得好緊要。結果,抑壓愈大,反彈愈大,公餘靠酒精的有, 回家打老公打老婆的有,把下屬視為沙包的有。點解?就是「正常時間」要搞到自己不是一個「人」!

小弟最喜歡與老友美酒美食亂咁噏。點解?平衡情緒也。肯定,絕大部份政客高官, 若被偷錄公餘狂態播出街,必哄動。不過,偷錄者與公開者,你估佢會係聖女貞德乎?
曾智華

hd