任睇No.1
  • 19º
  • 71%
  • 2022年12月9日 星期五

曾智華 - 上咗台,就要頂|祿祿無窮

百厭星老友們,經常在社交平台上互傳過癮片,此亦是大家生活上的一項調劑。

不時輕鬆一下,人際關係也會好得多。到底,大部份人生活上都有這樣那樣的難題,若一打開手機又是怨氣沖天,苦水滿溢,只會令壞心情更壞,朋友一個兩個走鬼晒,怕咗你呢個hater也。

故此,小弟不時積極發掘及轉傳者,多是好笑或優美畫面,與眾同樂。

前日,又搜呀搜呀搜,搜出一張非常有趣的相,同時也很有意思。

我是馬迷,尤其有更深感受。

照片乃一個健美先生比賽(唔知真定假㗎),眾多爆肌大隻佬之中,企咗一個肥肥白白,肌肉略為鬆弛的小子。雖然眼神略無奈,但仍挺起胸膛,作勢比賽,輸人唔輸陣。

相的描述:上司派給你無法勝任的工作,但你只能硬着頭皮上的時候。

每場賽事,都有頭馬,也有包尾馬。但任何馬你一被派落場,怎樣也唔衰得,就算真係,也要衰得好好睇睇,明知跑包尾也要專業,咪俾人睇低。

呢張相,相信定會勾起不少人打工生涯中的點滴。例如,一棚人爭升一個位,你明明唔夠實力,但既然已經落場,就要去馬。

呢種現象,似唔似跑馬拉松?冠軍與包尾的,可能相隔N咁遠,但得到掌聲一位,可能正正是永不放棄捱到尾的頂硬上者。

相中的白雪雪肥仔,有冇呢種feel?
曾智華

hd