任睇No.1
  • 18º
  • 76%
  • 2022年12月9日 星期五

曾智華 - 解決濕疹大困擾|祿祿無窮

月前,與某退休女高官晚飯,談到打疫苗:「碌Sir,嚇死,打第二針後,全身立即出滿紅疹,幾乎衝急症室。幸而,當值醫生搞清楚我有濕疹,話坐一小時應該退。好彩真係!」

朋友之中,不少有皮膚病,尤其濕疹,好煩。着錯布料、食錯嘢、食錯藥⋯⋯甚至遇化學氣味都可能出疹。最弊,點食藥都難斷尾。

剛剛朋友飯局中遇上一位樣子標致年輕女性,閒談中,講到廿歲前患濕疹的血淚生涯,日日𢱑到成身爛肉,結果要用繩自綁上牀睡。

童年時,根本冇同學仔敢埋身。長大後,穿T恤短褲跑步也驚嚇親人(見圖)。母親內疚,自覺可能懷孕時食錯嘢,搞到個女咁,故不停帶佢睇中西醫外,更用到穿山甲及毒蛇膽,希望幫到個女。

這位女士名字Priscilla,全家為教徒,日日祈禱,望有奇蹟出現。

講都唔信,廿歲那年,一頓晚飯中遇上由英國回港的姨姨,一聽即提議:「不少濕疹者發作,都可能與穿着的布料有關。例如質料及顏料中的化學品。你試用一隻日本專為皮膚病患者設計的布料造衫吖,可能有效。」

輕輕一個提議,竟將Priscilla帶上一個新的人生階段,如今皮光肉滑,充滿自信。佢「曾經滄海」,願意與仍在「苦海者」分享經驗。
WhatsApp佢啦:6777 6858
曾智華

hd