任睇No.1
  • 18º
  • 76%
  • 2022年12月9日 星期五

曾智華 - 由唔食飯變清鐵盤|祿祿無窮

馬季又再開,好事滾滾來!稅收及捐款,大量進貢也。

另外,單講報業,已立即回復春天。

小弟朝朝買報紙,緊跟行情。暑假期間,各報捱得好辛苦,銷量「陰乾」。

但馬季一開。由上周排位當日開始,市場顯示,有馬經的報紙,在報攤及便利店「棟」到山仔咁高,起碼賣多一倍!

當然,百花齊放的馬報更加不在話下,幾十份,恍似百驅競走。相信,起碼製造幾百至上千個就業機會。

去季開始,小弟每周兩次在《星島日報》寫出心水貼士。今季第一擊,幸不辱命,每注十元 ,下注二百元,結果收九百七十元。於是,晚上拖老婆大人及阿仔,到沙田馬會銀袋餐廳歎葡國菜(今月主題),回饋馬會也。

問問經理有乜推介。佢禮貌周周話:「大廚曾耀強(Gary)話頭盤可試香蒜檸檬煎沙甸魚(九十八元),主菜提議西班牙辣肉腸橄欖鴨肉焗飯(一百五十八元),若配埋冰凍法國chardonnay白酒(二百一十元),效果應更理想。」

信晒Gary,全部照要。

煎沙甸魚焦脆,不過⋯⋯好多細骨,一咬一驚心!

相反,用鐵盤上的焗飯(圖),啖啖肉,粒粒米被肉腸油及鴨油鎖住,啖啖香噴噴,食到停唔到口。講都唔信,平時我絕少食飯(怕肥!),今餐,在冰凍白酒襯托下,掃到一粒都冇剩!
曾智華

hd