任睇No.1
  • 27º
  • 91%
  • 2022年10月7日 星期五

曾智華 - 真嘅一樣|祿祿無窮

我雖然係為食鬼,但人生苦短,歎美食quota有限,故早立下幾項「唔食」:一、同枱食飯唔啱Key的;二、壓低質素鬥平的;三、貴到當我水魚的;四、又嘈又迫服務差的。

當中一樣, 五十五十,是食齋。

並非不食齋,但若全晚只是齋,真係太「齋」了。若無必要,不會選擇。

不過,久不久就就朋友也可以。

老友「李居士」生日,佢不煙不酒少肉,為賀賀佢,專誠四圍問有邊間素菜店可以一試,因此乃我「射程範圍」之外也。

探子回報:「碌Sir,有一間,一定有位,有車位,唔貴。不過,並非味味出色,你可考慮一試!」正是半山的「天一閣」素食料理。七月開,之前為另一素食店,但捱唔過疫情,投降了。如今新經營者,沒重新裝修,繼續。

一踏入,真真大件事,冇乜人影。無他,新店,疫情再加平日,又在半山區,何來街客?唯望捱得住,慢慢儲到揸車熟客啦。

五個人盡叫,乜都試。開埋紅酒(免開瓶),有房,招呼殷勤,氣氛收貨。

大廚明哥功力不俗,雖非味味頂呱呱,但起碼三樣水準以上:一、醬油蘿蔔塔(冷盤);二、素餃點心拼盤;三、天一閣秘製叉燒(齋口唔齋心)。當中,尤以叉燒最好,上枱簡直真嘅一樣(見圖)。

地址:香港花園道五十一號科達中心三樓
曾智華

hd