任睇No.1
  • 21º
  • 69%
  • 2022年12月8日 星期四

曾智華 - 差一小時我中招|祿祿無窮

每朝,小弟的慣性行程為六點起牀,先睇電視新聞及喜愛的KOL時事分析影片。然後,七點到茶記歎早餐,刨幾份報紙,直至八點半。然後,由土瓜灣揸車過何文田巴富街。

點解八點半?因學校已經上課,區內人士又已返工。故此,巴富街必有錶位,唔怕食牛肉乾。泊低入一小時,再徒步行去巴富街球場,作輕鬆的步行及拉筋。

以上程序,天天做,已是慣性指定動作。豈料,上周五, 七點九左右,茶記內的食客,突然起哄,紛紛圍埋電視機指手劃腳。

我也是好奇(即八卦!)一族,當然飛身埋去睇睇有乜大事發生。哎吔吔,原來上學時分,巴富街合一堂學校對開,竟有一棵十幾米高大樹,話冧就冧,突然連根拔起,「蓬」聲倒下,橫臥整條馬路中。

當時,馬路非常繁忙,當然有車中招。結果,一架校巴及三輛私家車,焗住冇得避,眼白白食到應,即時成架扁咗。

真係一額冷汗!不過,總算好彩,因校巴學生已全部下車,否則,不堪設想。而其他私家車司機及乘客,也沒重傷,真要劏雞還神!

我定一定神,睇睇個位置。咦,喂,正是我每日泊車個位呀(見圖)!

意即,若棵大樹冧遲一小時,咁我肯定食到應矣。到時,未必有咁好彩扑唔中㗎。

這條路有不少老樹,究竟我應否繼續每朝慣性動作呢?
曾智華

hd