曾智華 - 擺酒前，先「坐監」｜祿祿無窮
曾智華
2022-09-20 00:00
字體大小
足足兩年未試過，又再頻頻接到「紅色炸彈」！真替老友們高興。因為，滯咗咁耐，終於可以正正式式在親友面前做老爺奶奶外父外母，接受祝福，齊齊飲番杯。兼且，可以一百二十人聚首，咁先有多少睇頭及氣氛，不用小貓三四隻冷冷清清。
不過，你知我知，近日疫情又升温，每日幾千至上萬（唔報可能更多！）中招。飲宴，做客的，較易搞。假若中招，禮到人不到即掂，唔會影響成個宴會搞唔成。就算做伴郎伴娘，兄弟姊妹的，一樣可以失場，婚宴照去。不過，假若新郎新娘老爺奶奶外父外母……幾位主人家中招又如何，點搞？
剛剛周日下午又有宴會（幾好，搞中午，十二點開波三點半走得，重可食埋甜品，不似搞夜晚，十點半開始雞飛狗走）。敬酒時，做外父的老友W走埋嚟細細聲：「碌Sir，如今搞次婚宴，真係一額汗，沒齒難忘！」
W哥講的，並非訂酒店、請親友、安排酒席內容等等繁瑣事情，而是……「為令婚宴能順利舉行，我哋男女兩家人，全部要閉環半個月，自困家中，完全唔同外界接觸，以保證冇機會感染病毒！即係，未擺酒就先齊齊坐兩個星期防疫監，你話慘唔慘？」
咦，真係未聽過喎，但又好似幾有道理。咦，咁搞法，擺次酒咪重慘過自己中招，要隔離七日？
曾智華
不過，你知我知，近日疫情又升温，每日幾千至上萬（唔報可能更多！）中招。飲宴，做客的，較易搞。假若中招，禮到人不到即掂，唔會影響成個宴會搞唔成。就算做伴郎伴娘，兄弟姊妹的，一樣可以失場，婚宴照去。不過，假若新郎新娘老爺奶奶外父外母……幾位主人家中招又如何，點搞？
剛剛周日下午又有宴會（幾好，搞中午，十二點開波三點半走得，重可食埋甜品，不似搞夜晚，十點半開始雞飛狗走）。敬酒時，做外父的老友W走埋嚟細細聲：「碌Sir，如今搞次婚宴，真係一額汗，沒齒難忘！」
W哥講的，並非訂酒店、請親友、安排酒席內容等等繁瑣事情，而是……「為令婚宴能順利舉行，我哋男女兩家人，全部要閉環半個月，自困家中，完全唔同外界接觸，以保證冇機會感染病毒！即係，未擺酒就先齊齊坐兩個星期防疫監，你話慘唔慘？」
咦，真係未聽過喎，但又好似幾有道理。咦，咁搞法，擺次酒咪重慘過自己中招，要隔離七日？
曾智華
最Hit
失業大叔回內地賣腸粉！慘遭香港外資公司裁員 開車仔檔做「廣東味」 網友見1細節大罵：丟香港臉
2024-04-24 12:12
馬會撥捐7.2億港元 助過渡性房屋家庭自強
2024-04-24 11:00
星島申訴王｜年輕女教師玩交友App 墮「殺豬盤」 網戀陷阱輸身家
2024-04-24 08:00
更多文章
