任睇No.1
  • 27º
  • 91%
  • 2022年10月7日 星期五

曾智華 - 上天厚待寵兒|祿祿無窮

人,同一年紀,同一時間起步,例如舊同學,舊同事,十年、二十年、三十再見,嘩,發覺,原來上天「好唔公平」㗎!

以小弟為例,中學畢業後,十年舊生聚會,大家二十八歲。咦,乜⋯⋯有三分一人開始甩頭髮,好大整蠱噃。

到二十年再聚,三十八歲了。呢個甩頭髮,嗰個變灰髮,重有,差不多一半肚腩初現。

三十年又聚,大家四十八。個別外形仍與中學畢業時差不多,但有啲⋯⋯大鑊,光晒頭!有啲白咗一半,又或成個佬款,面上似寫着「歲月催人」,兼且,放棄條腰,變水桶型,一於穿橡筋褲算數。

呢方面,似乎女的好得多,起碼個個着緊外形,早早狂搞呢搞路去keep。所以,個個洗手間都有幾百款這樣那樣的護乜護物產品,係佢哋先知點用。

今日想講乜?想講,原來上天極之厚待咁啲竉兒㗎,真係恨死人!

人辦正是周慧敏(Vivian)。一九八六年,佢妹妹仔咁款蹦蹦跳入香港電台第二台做助理(即雜工!),幫手影印、聽電話、拆信⋯⋯突然,天賜良機,因商台撬散「三個小神仙」(當時紅爆),故小弟與張文新(正副台長)立即扑槌捧黃凱芹、周慧敏及余劍明,補位做青春偶像,一谷即紅。三十六年過去了,佢幾大,計得到!但剛做黃凱芹騷嘉賓,驚覺歲月全冇留痕!
曾智華

hd