卡塔爾世界盃足球決戰，十一月舉行。不過，仍然谷唔起大戰氣氛。點解？因球迷及球員，皆「食滯」也。
回想半世紀前，全球球迷萬眾期待的，正是四年一屆的世界盃。所有球員，皆以有機會代表國家為榮，能夠出戰世界盃，絕對光宗耀祖。
不過，自從足球慢慢變職業，然後，成為賭博之後。有錢地方，當然有騙子！台前的，正是球員！你想佢場場發揮體育精神打真軍？真是一個白日夢。
再下去，頂級球賽及球員，全變搖錢樹，由地方足總到各大洲足協，再到國際足協，排隊搞聯賽、盃賽、洲際賽、冠軍賽……以致世界盃。球員打到殘，球迷睇到暈，不少場次，愈來愈假，資深球迷，一睇就知。
太多球賽要應付，球星不但厭戰，兼且，再不覺得代表國家隊有甚麼光榮可言。
終於，慢慢有球員揚言冇興趣打「太公波」，因冇乜錢揾外，一旦受傷，影響在地方賽尤其歐聯揾真銀機會。最近法國前鋒麥巴比就公然同法國足總唔妥了，呢類情況，以前絕少發生。
講到世界盃「打假波」，最明目張膽一段，為二○一四年決賽之戰，堂堂足球王國巴西竟可輸俾德國「七個一皮」（七比一）。場波假到出汁，但肯定不少參與者撈到盤滿缽滿矣。本來，代表國家出賽拼盡，乃愛國表現。如今，肯定不少球員已財迷心竅，反問：「愛國？乜嚟㗎 ？」
曾智華
;){kind=link}
;){kind=link}
;){kind=link}
;){kind=link}
;){kind=link}
;){kind=link}