任睇No.1
  • 21º
  • 65%
  • 2022年12月8日 星期四

曾智華 - 新加坡「特產」|笞刑|祿祿無窮

近日,好多人「捧」到新加坡天咁高,指就快搶晒香港所有優勢,由旅遊到展覧,由大型活動到美食購物,仲有,可能連亞洲第一國際金融中心地位都搶埋,咁就真係大件事,以後,將再冇「紐倫港」,變成「紐倫坡」嘞。

真會咁發展?大家走着瞧好了。對,今天新加坡真風騷,大把人才大把錢財湧去,因乜都開開開,且主動搶搶搶!

不過,小弟就冇乜興趣去。N年前去過兩次,覺得呢個國家好鬼悶,對人民控制亦相當緊,呢樣唔准嗰樣又唔准,乜都罰罰罰,做遊客擔驚受怕。

記得,當年帶團導遊第一天跳上巴士,興奮大叫:「Welcome to the fine city - Singapore!」而佢身上,正正穿上一件星洲最流行,個個遊客都會買的T恤(圖),新加坡,一個乜都罰餐飽的城市!

另有一項這國家令人厭惡的,佢哋仍維持極殘忍及不人道的刑罰——笞刑(Caning),即執行處罰者用竹或藤製成的鞭子打受罰者的臀部或背部,直至皮開肉裂。呢種嚴重侵犯人權刑罰,所有文明國家早廢除,偏偏新加坡維持!

今日講起,正因剛又有一新加坡男子被判打六藤兼監禁七年。因被指二○一六年做伴郎時,性侵新娘(等足六年才判?)被告一直拒絕認罪,堅持倒數!
曾智華

hd