曾智華 - 微微笑硬食|祿祿無窮

做人,經常保持一點幽默感,對自己身心健康,對人際關係,皆有良性影響。

前日N咁多人問我:「碌Sir,你慘唔慘呀,唔見咗幾多(棺材本)啊?」

若答:「預咗,升得高啲終會低墮!」就非常Anti-Social。於是,為照顧對方情緒,唯有苦笑:「慘㗎 !不過,一定唔夠股神巴菲特、香港金管局及所有強積金供款者慘。大勢如此,硬食可也。」

事實,可能天生性格,也可能近七十年好多災難都見過,故早理解人生有好多不能預知的事。此乃「正常」的。既然正常,泰然面對!

你話今天慘?都算。但仍未慘得過小弟「有幸」經歷的: (一)通街炸彈,返學似跳地雷陣,分分鐘中招(1967);(二)股市由一千七百點撻落一百七十點,冇咗九成(1973);(三)通街銀主盤,大量人排隊破產及燒炭自殺(1998)…⋯

怨天怨地、大喊十⋯⋯鬧呢個鬧嗰個有冇用?嘥氣!

現今大家不想發生的事:(一)俄烏戰事;(二)中美交惡;(三)近月的樓市股市大冧。你可以改變到乜?答案—冇!

既然冇,即要硬食。笑又硬食,哭又硬食。但笑,身心健康,別人願意接近,哭呢⋯…

有個與小弟同價值觀老友,周一蝕咗幾十萬,但仍不失幽默感,傳來張「股災」相。
曾智華

hd