曾智華 - 呢條牛𦟌堅好得｜祿祿無窮
曾智華
2022-11-11 00:00
字體大小
前日傍晚，要到九龍城獅子石道辦點事，揸車到附近四圍兜，條條街不但無錶位，更甚是大量車double park，此乃九龍城的永恒痛苦。因區外揸車客不斷湧入覓食及買餸，雖然警方日抄夜抄，仍解決不了唔夠位的死結。更弊，區內絕少公共停車場，收費的，只得九龍城廣場的一個。
與其浪費時間及電油，好，就泊入去啦。廿幾蚊一個鐘，以今天消費水平計，算平喇！
這個廣場人流不多，故要用泊車優惠吸客，彈性比其他商場大。只要消費一百 ，就免一小時，兩百就免兩小時，如此類推。
速速辦完公事後，望望錶，仍有半小時，諗諗，消費一百就送廿幾蚊，咁就買啲嘢啦，反正，行入超市，必有啱使的飲品或食物。這處的刺身質素相當不錯，價錢適中。
行呀行，行埋新鮮牛肉櫃枱，望入去，咦，不同國家的牛扒好靚仔喎。但最吸引，為三條粗身，一睇就知彈力十足的澳洲和牛金錢𦟌，三十二元一百克，唔貴。
好！立即要一條，盛惠一百二十大洋，夠晒泊車。
交家中菲傭姐姐Sally決定點整，佢決定炆咖喱。晚餐上枱，夾片入口⋯⋯嘩嘩嘩，冇得頂，遠比想像好味，級數大幅彈離街市的本地牛𦟌，又腍又香又軟又多汁，喜出望外！和牛，真的個個部位都寧舍不同，感謝食神突然上身！
曾智華
與其浪費時間及電油，好，就泊入去啦。廿幾蚊一個鐘，以今天消費水平計，算平喇！
這個廣場人流不多，故要用泊車優惠吸客，彈性比其他商場大。只要消費一百 ，就免一小時，兩百就免兩小時，如此類推。
速速辦完公事後，望望錶，仍有半小時，諗諗，消費一百就送廿幾蚊，咁就買啲嘢啦，反正，行入超市，必有啱使的飲品或食物。這處的刺身質素相當不錯，價錢適中。
行呀行，行埋新鮮牛肉櫃枱，望入去，咦，不同國家的牛扒好靚仔喎。但最吸引，為三條粗身，一睇就知彈力十足的澳洲和牛金錢𦟌，三十二元一百克，唔貴。
好！立即要一條，盛惠一百二十大洋，夠晒泊車。
交家中菲傭姐姐Sally決定點整，佢決定炆咖喱。晚餐上枱，夾片入口⋯⋯嘩嘩嘩，冇得頂，遠比想像好味，級數大幅彈離街市的本地牛𦟌，又腍又香又軟又多汁，喜出望外！和牛，真的個個部位都寧舍不同，感謝食神突然上身！
曾智華
更多文章
