曾智華 - 企返個主家位先|祿祿無窮

習主席外訪,有兩樣觀察:一、配角戴口罩,主角唔使戴,級數分清;二、接見其他外國元首,一定企主家位,贏人又贏陣,外交佈局。

乜叫主家位?就是右邊個位。佢企定定,伸出右手歡迎你來握。求見或安排的客人,則由左邊入,伸右手握。

這樣,畫面一定是主角氣定神閒,正面見鏡頭;配角則伸出右手時,半邊背脊入鏡,成個格局,主次分明(見圖)。例如習近平主席在曼谷接見日本首相岸田文雄,就是最佳示範。

以前讀大學,有一科涉及外交的,相當有趣。因為,國與國之間領導人相見,絕對不會求求其其偶然遇上,一切必定是之前精心詳盡部署,有齊細節安排,包括邊個見邊個,邊日見,幾點見,邊度見,見幾耐,笑唔笑,有冇反應,枱面或現場放置乜,開場白內容⋯⋯全部不會爆肚。

大家細心觀察,必會發覺上周習主席到印尼及泰國,見咗N個國家元首,有啲攬膊頭,有啲用力握手,有啲軟軟握手,全部有「外交顯示」,乃一門非常有趣的學問。

國與國之問,冇永遠的敵人,但有永遠的利益。故此,大家見到過去三年,美國及不少西方國家,對中國「炮火連天」。不過,一到需要時,就排隊約見習近平,做其大配角。

唯獨加拿大總理杜魯多冇得見,因為佢根本唔識「大國外交」,不懂事先低調「創造條件」也。結果,就在全世界人面前瘀咗一鑊勁!
曾智華

hd