曾智華 - 極度失敗的片名|祿祿無窮

一套電影,要失敗,好易,隨便一個環節衰晒,已可「成功達標」。但要成功,則除瓣瓣質素好之外,更要天時地利配合,才能叫好又叫座。

與電影行家傾開,原來,要吸引觀眾注意,再買票入場,其中一個元素,非常重要。

尤其是鹹片!

香港六七八十年代, 出咗相當多創作片名高手,大部份都在鹹片方面,極具天份。而這個時期的「精采之作」,已經可以列入香港發展史的一個部份,小弟認識幾位由博士到教授人馬,正正曾對這個範疇作學術性研究。

某晚,「隊」多兩杯,L 教授笑笑口話:「碌Sir,以前的香港,自由到震,根本冇三級制!之外,鹹片名稱,不少令人一睇已拍案叫絕,引起衝動湧去買飛入場。」

佢隨口講咗幾個片名,已經笑到我標眼淚。

「其實,香港不少男性是這方面專家,但唔方便公開切磋矣。嗱,你想欣賞這方面『藝術家』的才華,易,上網打《香港網絡大典》,當中 搜尋『色情片名稱一覽』,內裏以字數劃分。睇完唔笑到碌地就扑我個頭!一個好片名,可以引到千計鹹蟲不問內容就飛身入場㗎 。」

講完「鹹嘢」,教授又指出:「最近一套極度高質素電影,絕對有機會俾個片名『誤殺』,因中英文皆渣到飛起。正是描述荷里活性狂魔哈維的《她說》(She Said),唔知邊個改及譯,非常失敗!」
曾智華

hd