曾智華 - 禤智明打卡之作|祿祿無窮

飲食業, 好唔好食先不論,擺設必須「養眼」!客人幾大唔食住,俾手機先食。不少老派廚師不以為然,強調——我的出品實實在在,從不撚甚麼打卡花臣!小弟點睇?兩皆重要!某米芝蓮大廚講:「碌Sir,現今世代,打卡好重要㗎!出個頭盤,若只擺食物在一隻碟就上枱,只可賣百幾;但若分開幾隻碟仔,再放上小花小草,底墊乾冰,騰雲駕霧,客人即覺值三百幾!」

前晚,拉班為食鬼到陸羽茶室歎招牌菜:脆皮糯米雞、蓮子八寶鴨及杏汁白肺湯,賣相「老老實實」,無花巧,味道一貫地高水平。唯一驚喜,為大廚𧝁智明,從來少搞賣相花巧,突然畀驚喜,頭盆鳳肝燒金錢雞,來次「打卡化」,跟上潮流!人人無不歡呼:「咦,乜原來陸羽出品都可以先化個靚妝才出現㗎喎!」個個爭相打卡。𧝁大廚有心思,在金錢雞之上搓上花邊薄包,再擺蛋黃碎及小塊芫茜。嘩嘩,靚仔晒!真係——人靠衣裝,食靠新裝!
曾智華

hd