曾智華 - 三分鐘後齊齊寬衣|祿祿無窮
天寒地凍。真係冷得我騰騰震,震到呀入呀呀心呀 ……(學名伶新馬仔唱返兩句)。
今個星期,寒流殺到,點搞?當然透過食食食,維持身體溫暖。
火鍋?正!故必定處處人頭湧湧。另外,整返煲新鮮黑草羊,古法炆,也是無以尚之。
小弟提議大家考慮,歎返個潮州地道名湯——荷包燉白鱔又如何?
前日,凍到雪雪聲,立即call齊幾丁為食老友晚餐,預早打電話畀「百樂集團」總廚許美德,聲明要來個暖胃湯,問有乜介紹。
「碌Sir,一於整煲荷包燉白鱔你歎啦。入冬後大鱔極肥美,我用胡椒鹹菜燉之,一啖入口,周身發滾㗎,好唔好?」
殺!時候到,踩去美麗華商場「滿樂」,呢個商場,非常就腳。但極大缺點,為停車場收費奇貴(供求問題?),兼且,大業主孤鬼寒,客人消費,只有一小時免費泊車,又兼且煩到癲,要人搞到周身汗入佢個乜乜物物會。
起菜!先來大盤滷水鵝肉鵝肝鵝腸。食到舔舔脷,好耐冇試過咁肥美鵝腸鵝肝。膽固醇?話之佢啦,人生苦短,唔食等幾時?
此店的蘿蔔灌漿也是誇啦啦冇得頂,入口外脆卜卜,內裏蘿蔔半溶化,好味到震。
主角上場(見圖),開蓋即冒煙,攻鼻而來正是鹹菜胡椒香。咬一啖白鱔喝一口湯,果然,不足三分鐘,人人要寬衣,開始周身滾也。
曾智華
今個星期,寒流殺到,點搞?當然透過食食食,維持身體溫暖。
火鍋?正!故必定處處人頭湧湧。另外,整返煲新鮮黑草羊,古法炆,也是無以尚之。
小弟提議大家考慮,歎返個潮州地道名湯——荷包燉白鱔又如何?
前日,凍到雪雪聲,立即call齊幾丁為食老友晚餐,預早打電話畀「百樂集團」總廚許美德,聲明要來個暖胃湯,問有乜介紹。
「碌Sir,一於整煲荷包燉白鱔你歎啦。入冬後大鱔極肥美,我用胡椒鹹菜燉之,一啖入口,周身發滾㗎,好唔好?」
殺!時候到,踩去美麗華商場「滿樂」,呢個商場,非常就腳。但極大缺點,為停車場收費奇貴(供求問題?),兼且,大業主孤鬼寒,客人消費,只有一小時免費泊車,又兼且煩到癲,要人搞到周身汗入佢個乜乜物物會。
起菜!先來大盤滷水鵝肉鵝肝鵝腸。食到舔舔脷,好耐冇試過咁肥美鵝腸鵝肝。膽固醇?話之佢啦,人生苦短,唔食等幾時?
此店的蘿蔔灌漿也是誇啦啦冇得頂,入口外脆卜卜,內裏蘿蔔半溶化,好味到震。
主角上場(見圖),開蓋即冒煙,攻鼻而來正是鹹菜胡椒香。咬一啖白鱔喝一口湯,果然,不足三分鐘,人人要寬衣,開始周身滾也。
曾智華
最Hit
內地女誤攜價值¥30蝴蝶蘭入境香港斷正 一家大小被扣至凌晨大感後悔 即睇過關檢控全過程!
2024-03-27 19:28
港鐵金鐘站早上怪現象!上班族一舉動小紅書引熱議 內地網民:而家先知原因
2024-03-26 18:24
小米減價|逾50款家電/手機/運動手錶低至43折 Xiaomi「米粉節」限時優惠 最高勁減$2700!
2024-03-27 17:38