曾智華 - 討厭的口罩|祿祿無窮

人生之中,有很多人事物,非常討厭,但又不能不面對。例如,你打工,自然要應付各式討厭人物,尤其服務性行業,最普遍是食肆的服務員。香港社會,相當高壓,不少人心理及情緒不平衡,需要發泄。若在辦公室或家中發作,後果堪虞。點呢?不少就選擇找相對「弱勢」者出氣。

不時有心理變態者食客,刻意奄尖腥悶,根本想揾人鬧,恰你打開門做生意唔會公開失儀,被迫息事寧人。

不過食客若太霸道太不講理,也有一定的「危險」。因當你「威」完之後,點知跟上的食物,會否「加料」?千祈咪太過分得勢不饒人,否則……

講完討厭人,講吓討厭物。疫情三年,對我來說,最討厭就是天天戴住個影響呼吸的口罩。

大家可記得,前特首林鄭也強烈有呢種感覺呢?集體回憶,佢試過在記者會直播中,霸道地表示:「唔准同事戴口罩,戴咗都要除!」這一幕,盡顯唯我獨尊橫蠻作風。結果,搞到次次民調的支持度「低處未算低」,活該!

口罩對勞動階層更是極之討厭。尤其大熱天時,揮汗如雨,就算四野無人都規定戴住,焗到有氣冇得抖。故此,不少人慣性動作,一有機會就將佢拉低。相信《窄路微塵》編劇導演,皆對此有深入觀察,故安排男女主角,一有空間,就拉下口罩唞大氣。這點,絕對反映勞動工作的心聲!
曾智華

hd