曾智華 - 一處鄉村一處例｜祿祿無窮
曾智華
2023-01-12 00:00
字體大小
嘩！恭喜晒TVB，今年《萬千星輝頒獎典禮2022》，收視達二十九點四點，相當理想。
收視好，因吸引點多，尤其整古做怪的林敏驄，帶來久久未見的新鮮感。
電視，一切講收視。要谷收視，就要令觀眾有期待感，如何炮製出來？一半營造，一半靠幸運。點解無厘頭撞出咁吸引的《下流上車族》？今年能否再有呢種驚喜呢？難講。
TVB搞頒獎典禮，開宗明義自己同自己玩，難得玩出咁鬼熱鬧氣氛，「競爭」N個獎項，尤其視帝視后，真的一樣，都幾過癮。
有資深廣播人包拗頸：「有乜理由呢個攞乜乜，嗰個攞物物喎。連太后高層曾麗珍都攞『萬千光輝演藝大獎』，係咪自己頒畀自己㗎？」
小弟認為，此君認真唔化。做騷做騷，根本是騷，咁鬼認真做乜？
「碌Sir，你諗吓吖，若果商台叱咤樂壇頒獎禮作個獎畀俞琤，香港電台十大中文金曲頒獎禮又跟風，整個畀張文新，咁有冇公信力吖？」佢老哥仍然彈三彈四。
小弟冇佢咁好氣︰「老友，一處鄉村一處例，無記藝員成日喺頒獎禮中感謝高層，此乃機構文化，藝員願做，高層又受，觀眾話正，咁咪得囉。重有呀，頒獎，好多時都有背後意義㗎⋯⋯有的支持鼓勵，有的另有暗示，只得當局人明㗎咋！」
總之，一切以收視結果為目標是也！
曾智華
收視好，因吸引點多，尤其整古做怪的林敏驄，帶來久久未見的新鮮感。
電視，一切講收視。要谷收視，就要令觀眾有期待感，如何炮製出來？一半營造，一半靠幸運。點解無厘頭撞出咁吸引的《下流上車族》？今年能否再有呢種驚喜呢？難講。
TVB搞頒獎典禮，開宗明義自己同自己玩，難得玩出咁鬼熱鬧氣氛，「競爭」N個獎項，尤其視帝視后，真的一樣，都幾過癮。
有資深廣播人包拗頸：「有乜理由呢個攞乜乜，嗰個攞物物喎。連太后高層曾麗珍都攞『萬千光輝演藝大獎』，係咪自己頒畀自己㗎？」
小弟認為，此君認真唔化。做騷做騷，根本是騷，咁鬼認真做乜？
「碌Sir，你諗吓吖，若果商台叱咤樂壇頒獎禮作個獎畀俞琤，香港電台十大中文金曲頒獎禮又跟風，整個畀張文新，咁有冇公信力吖？」佢老哥仍然彈三彈四。
小弟冇佢咁好氣︰「老友，一處鄉村一處例，無記藝員成日喺頒獎禮中感謝高層，此乃機構文化，藝員願做，高層又受，觀眾話正，咁咪得囉。重有呀，頒獎，好多時都有背後意義㗎⋯⋯有的支持鼓勵，有的另有暗示，只得當局人明㗎咋！」
總之，一切以收視結果為目標是也！
曾智華
最Hit
51歲鄭秀文突自爆做「高齡產婦」！去年因病停工神隱 曾指許志安堅拒要小孩
2024-04-18 20:00
50歲蒙嘉慧「幸福肥」又再飆升！紮穩馬步露臂劈柴：冇乜可能會瘦得返
2024-04-18 23:00
更多文章
