曾智華 - 殺低阿凡達的娃娃|祿祿無窮

傳統觀念使然,我從不玩洋娃娃,事實亦冇興趣。男仔,當然玩飛機大炮手槍啦。

不過,見到一段娛樂新聞,指一套「娃娃片」,竟在美國一上畫即單日票房打低《阿凡達.水之道》, 真誇張!不止,重要幾日就回本,橫掃票房。

好奇之下,好,娃娃就娃娃啦,一於入場!片名毫不吸引,叫《人工殺姬》,英文也有點無厘頭,叫《M3GAN》。

起初諗住畀佢十五分鐘,唔好睇就去飲茶,點可能同個洋娃娃磨兩小時呀?

點知,一睇就吸住!原來,M3GAN,正是智能洋娃娃名字,由傑出機械人設計家Gemma創造,初心是用作孤單孩子的良伴。

因娃娃懂得觀察、聆聽、學習,也會自我不斷透過收到的訊息改善智能。

起初,的確為Gemma喪失相親的小侄女CADY帶來陪伴及安慰。兩「人」發展出深厚情誼,令觀眾也不自覺走進這段關係中。

不過,隨着娃娃的智能發展,加上不斷受到外界刺激,劇情開始進入難以想像的驚慄。

總體來說,此片充滿動作、科幻、諧趣。編劇扭橋手法高強,帶來非常豐富娛樂性,引領觀眾一直追看下去,很想知道娃娃終變成點。

我當然是其中一個。故此,起初諗住睇十五分鐘就散水,結果,直至完場字幕才起身!

此片在香港未必大收,但我覺值得推薦!
曾智華

hd