曾智華 - 飲虛榮|祿祿無窮

坦白從寬,我是一個無酒不歡的人。因酒有N咁多功能,帶來享受外,更可盡快打破人與人之間的社交隔膜。

不過,我又絕對明白酒的害處,因數十年來,親眼目睹不少悲劇也。

所以,自己30年前已立下飲酒4大原則:1、酒後不鬧人;2、酒後不打人(見過多次);3、酒後不駕駛;4、只飲快樂酒,絕不飲到嘔。
  近年更多一條——天未黑,唔飲!

人以群分,喜歡酒者,自然晚餐會各自攜來珍品。上周一餐也如是,酒友總是多多藉口,當晚慶祝「防疫玩完」,10條大漢一晚清咗5支各自珍藏。

當晚最搞笑,為有一大集團CEO阿A,旗下有入口各類酒,爆料話:「其實大家飲入肚的酒,究竟佔總賣價多少,你哋知唔知?」

「呢啲咁專嘅行內料,點知喎!」一眾答。

「哈哈,咁就等阿叔話你知啦。一支酒,本來靈魂係酒,但其實成本可能只是賣價十分之一!其他錢用喺邊?酒莊、零售、批發,加埋一半。另外就係包裝、運輸。講都唔信,流行牌子的酒,有不少使費,落咗做廣告!份額一定多過酒本身!」哦……原來如此。

「仲有,尤其紅酒,絕大部份飲者,都係扮嘢,即飲虛榮!我試過多次搞blind taste 會俾自認識酒者飲,尤其食完嘢,搞笑,九成參與者分不開邊隻打邊隻,酒質高低及平貴!」
曾智華
更多文章