自從出現電子社交平台之後，大家生活多姿多采咗好多。但同時，也帶來了人類的隔膜（關係虛擬化）及煩到抽筋（年初一手機爆出千計毫無誠意的拜年圖，刪到手軟）。
一般平台，皆免費，真係着數到「冇朋友」。但有一大問題，就正因佢免費，故可任意自訂遊戲規則，話鎖你就鎖你，話之你總統，隨時唔畀你用，吹乒乓乎？
社交平台極似毒品，上咗癮，好難搣甩，因佢真真正正有無遠弗屆的便利，令你與全球朋友做到天涯若比鄰。
不過，咁就弊！當上晒癮時，突然俾人鎖戶，莫講完全冇得用，就算停一兩個星期甚至三幾日，你都會「周身唔聚財」。
鎖的權力，在平台管理者手上，而遊戲規則（龍門），也由佢任意設計，不少完全無厘頭。
小弟被鎖過幾次，全皆莫名其妙：
1、兩個3歲男孩在斜路上玩單車， 阿A因唔識煞掣向下衝。阿B情急之下，拉住佢條橡筋相救。結果， 阿A打出半個屁股。成條片顯示友情及人急智生。兼且有點搞笑。點知，社交平台話涉及「兒童色情」，鎖戶！你話係咪想講XYZ？
2、上周又被鎖。點解？因小弟認同特區政府要搶人才，搶投資！為咗豐富畫面增加吸引，於是，附上一支卡通膠水槍。
哈，又死！因「鼓吹暴力」。問你服未？
曾智華
;){kind=link}
;){kind=link}
;){kind=link}
;){kind=link}
;){kind=link}
;){kind=link}