任睇No.1
  • 29º
  • 85%
  • 2023年6月4日 星期日

曾智華 - 騙子「曾X華」|祿祿無窮

上周報章大字標題——誤信「曾俊華」廣告,八旬翁失330萬!

我一睇,不禁「唉」的一聲。年紀不小了,應該見慣世面,知道金錢世界中,騙子如麻。而呢位老翁,肯定家財不少,碌咕都隨時可動用幾百萬。搵錢咁叻,點解個腦好似冇乜常識,連係人都知的網上騙徒手法,竟懵吓懵吓中招?

其實,利用名人頭像在網上招搖亂噏「有方法揾大錢,可以同大家分享」,早已屬司空見慣。近兩年一個又一個排隊出現,最搞笑,竟然連「李嘉誠」都日日在網上或社交平台出現,笑嘻嘻話想傳授你「發達秘笈」。

從來受騙的都是兩種人:一、貪心;二、無知。但現今世界,多一種——絕對空虛。

這就解釋到,為乜有啲精明到飛起的「富翁富婆」,也竟然會中招。

近月,網上有兩個「曾X華」不停出現介紹揾錢必殺技,一個為「曾俊華」,另一為「曾智華」(圖)。

我也曾與曾俊華通訊,問佢點搞。報案?你一日可以報幾多次呢?

於是,這位前財爺幾個月前在自己Facebook幽默話:「我冇做財爺好耐喇,我真係唔識點樣可以在三四個月內變百萬富翁㗎!」

小弟又如何?同樣收到上百粉絲問網上教人發達的「曾智華」係咪我?

我答:「若咁都信,就唔應該係我粉絲啦吓嘛,點會智商咁低呀?」
曾智華

hd