白頭Lo - 日本房地產新趨勢 建地起屋|白頭Lo海外地產專欄

除咗東南亞,近年日本房地產開始受到香港人注意,一來香港人有份日本情意結,只要四個鐘頭飛機就到咗呢個理想嘅旅遊勝地,得閒飛過去渡吓假,滑吓雪,夠晒爽!唔去住嘅時候好多人都會選擇當Airbnb民宿出租,一舉兩得。

過往日本房地產主要係供應住宅單位,但有無諗過其實可以再走前啲?而家投資環境開始轉變,住宅單位嘅變化始終有限,喺眾多嘅民宿入面又點樣突圍而出呢?

喺日本歷史悠久嘅房地產企業東日物業就比其他人快一步,可以幫你搵地起屋,你可以由自己控制成個物業嘅設計,自住嘅時候更有滿足感之餘,用嚟出租都更有賣點。特別係疫情過後,隨住訪日旅客急增,經營Airbnb民宿嘅生意開始捲土重來,預計回報最高可達10%。

東日物業Project & Business Development Manager黃冠陞(Keith Wong)就同我講,而家大家最留意嘅地點係北海道嘅新雪谷比羅夫。呢度係出名嘅滑雪熱點,每年都有海量嘅亞州遊客同滑雪愛好者湧入,所以租住大型酒店每晚都要上萬蚊,國際酒店品牌紛紛進駐,喺呢度開民宿租客自然供不應求,預計呢度嘅投資會有強勁嘅升幅,租金回報亦相當高,將來增值空間非常大。

資金方面如果有需要嘅話,喺日本銀行做2.70%低息貸款最高長達30年,仲可以做到50%貸款𠄘按添。鍾意日本嘅朋友不妨度度佢!
專注海外房地產多年,掌握最新市場投資走勢,逢周六和讀者分享訊息。
更多文章