郭志仁 - 生日匙扣|九宮格

M先生跟女友G第一年過生日,自覺花盡心思。女友是咖啡迷,M生日前已在深水埗咖啡店學習拉花,生日當天帶女友往咖啡店,穿起圍巾化身成咖啡師,拉出一杯心形Latte:女友表示滿意。黃昏登上中式古董帆船,二人躺在沙發,維港內吹吹風談談情:女友表示滿意。

生日飯呢,M預訂紅棉路酒店頂樓餐廳。酒店五周年特別推出十手聯乘,即五位大廚合辦一頓晚宴,創作各自招牌菜。三月就只舉辦一晚,恰巧是女友生日。那帶爆谷蜜糖香氣的鵝肝、先炸後焗釀蟹蓋……女友再次表示滿意。

最後重頭戲來了,M送上生日禮物,以為是完美句號。女友沉着臉,靜默數秒,敷衍說句多謝。M問:「你唔鍾意?」女友坦白回答:「吓,普通朋友都唔會送鎖匙扣!唔明點解我男朋友會送!」

M解釋:「鎖匙扣牌子G代表你。鎖匙扣係用嚟放我屋企鎖匙,我從來唔會畀屋企鎖匙女朋友,你係第一個。」女友似乎聽不入耳:「你知唔知鎖匙扣係絕交三寶!算吧,食甜品。」至今,女友都沒有把鎖匙掛在鎖匙扣。

朋友一致裁決:「唔係你條橋唔work,係你同呢位女士唔work!」建議M找一位懂得欣賞鎖匙扣寓意的人。究竟是禮物出問題?還是女友有問題?

「如今這串鎖匙,能怎用亦難知。沒法開啟你我內心的事,真是很諷刺。」許茹芸—留低鎖匙
郭志仁
更多文章