郭志仁 - 保安救壞男人一命(上)|九宮格

遠水救不了近火,好好經營與大廈保安員關係,方為投資有道。醫護界L先生與保安叔叔稔熟,偶爾幫他作簡單診治,經常談足球談股票。

L跟女友都是醫護界,上星期女友當夜班,L相約小三回自己家相聚,保安見後立刻戚眉偷笑。

女友平日當完夜班,都累得回家休息,當日突然想給他小驚喜,買他最愛的沙嗲牛肉通粉及雞髀殺至L家。當時保安正準備換更,在大堂見到L女友,立即致電通報。可能前一晚過於疲勞,加上整晚都開着電視,L第三次才接電話。

你認為L該如何應對?叫小三躲入衣櫃?

L幸好有經驗,驚惶但沒有失措,立即向小三示意別作聲,然後將電話調校靜音,打算假裝自己不在家。女友按門鐘沒回應就打電話給L,L立即走入房間打開窗,恍如身在街上。

L:喂,你放工啦?

女友:係呀,你喺邊?

L:噚晚俾人捉咗去玩Poker,啱啱先走,你攰唔攰?不如食早餐?

女友:你唔喺屋企?我聽到有聲喎?

L:係咩?可能唔記得熄電視。你去咗我度?

女友:係呀,仲買咗早餐。我唔等你喇,早餐掛喺門口。

L:好啦,辛苦晒你,返到屋企記住text我。

L有前科,女友只是扮作離開,躲在防火門後,靜待小三離開人贓並獲。但L豈會如此冒險?L打電話給保安求救,最後如何脫險?下星期繼續。

「被問到昨日你位置,曾經真相愛,記緊當最好騙子。」謝安琪—《偷情的禮儀》
郭志仁
更多文章