頭條戲場 - 《殺手列車》勁暴力爆血動作喜劇|頭條戲場

電影改編自伊坂幸太郎的日本懸疑推理小說《瓢蟲》,由《殺神John Wick》系列監製兼《死侍2》導演David Leitch執導。講述地獄黑仔王殺手「瓢蟲」(Brad Pitt飾)要登上列車執行任務,發現全車有6個殺手(計埋佢),個個各懷鬼胎。一套睇到好忙嘅戲,我指對眼好忙,事關由頭打到尾,又刀又劍又槍又炸彈又拳腳,超強爆血度,仲要好好笑,加埋出色配樂,爛番茄新鮮度得59%,我覺得唔使理佢囉。
撰文:廖思慧

因為想為老婆報仇,邪惡黑幫大佬「白死神」(Michael Shannon飾)度埋啲屎橋,將覺得有關嘅殺手安排上列車等佢哋自相殘殺,但冷不防有位「細膽又純情」嘅少女Prince(Joey King飾)搞搞震,誤導呢個又整鬼嗰個,列車周圍都係血,死法新奇之餘配上粉紅色吉祥物Momomon梅花間竹咁出現,cute中帶血,都幾治瘉。
要乜有乜睇到好爽

導演表示執導此片最大的挑戰是:「點樣喺一個規範嘅空間(一列子彈火車內),拍出一部緊張刺激嘅動作電影?」所以一向創意澎湃嘅導演發揮小宇宙,高質展示殺手們點樣喺子彈火車的餐卡內廝殺、在靜音車廂中埋身肉搏、又喺狹小的洗手間內槍口對決。電影有大量動作場面,笑點亦非常多,劇情轉折位一隻手數唔晒,角色之間好似好關事但其實又唔太關事,雖然角色眾多,但導演節奏上拿捏得好,理解力低嘅人都絕對睇得明。

特別讚好柑桔(Aaron Taylor-Johnson飾),未見過有人做衰格嘢可以咁有型,客串巨星相當驚喜。 ■畢佬同柑桔喺餐車打到黐線,睇到好肉緊。
■畢佬同柑桔喺餐車打到黐線,睇到好肉緊。
■佢哋係檸檬(左,Brian Tyree Henry飾)同柑桔,負責搞笑,睇吓柑桔幾有型。
■佢哋係檸檬(左,Brian Tyree Henry飾)同柑桔,負責搞笑,睇吓柑桔幾有型。
■真田廣之飾演黑幫長老,出鏡唔多但超有霸氣,仲要有搞笑演出。
■真田廣之飾演黑幫長老,出鏡唔多但超有霸氣,仲要有搞笑演出。
■車外高速「飆過」的日本風景,由Lux Machina負責的超巨大LED顯示屏加日本實地拍攝影像組合而成。
■車外高速「飆過」的日本風景,由Lux Machina負責的超巨大LED顯示屏加日本實地拍攝影像組合而成。
■佢係王子,唔好俾佢個樣呃倒,全片最壞。
■佢係王子,唔好俾佢個樣呃倒,全片最壞。
■殺手之一嘅黃蜂(Zazie Beetz飾)專長係變裝,仲有特別嘅殺人武器,死狀好恐怖。
■殺手之一嘅黃蜂(Zazie Beetz飾)專長係變裝,仲有特別嘅殺人武器,死狀好恐怖。
■半數殺手為咗呢個箱爭餐死。
■半數殺手為咗呢個箱爭餐死。
更多文章