頭條戲場 - 《五腥級盛宴》大巴大巴摑死你班虛偽怪｜頭條戲場
頭條戲場
2022-12-09 00:00
字體大小
一部諷刺食評家、鍾意食裝修嘅作狀友、愈難book愈想book的虛偽L及打卡KOL的黑色驚慄喜劇。無論是「追星」老饕、快餐愛好者、大排檔常客，定覺得高級餐廳得個貴字的酸民都啱睇，而且仲會睇得好有快感，恥笑位相當到肉，兩小時不斷笑出聲，娛樂性非常豐富，套戲講到咁白會唔會得罪好多人㗎？（上映中） 撰文：廖思慧
享譽國際的星級廚神Julian Slowik（Ralph Fiennes飾）在西北太平洋小島上開設一間隱世餐廳Hawthorn，叫得隱世都知價錢唔會平，冇錯，Tasting Menu每位$1,250美元（約9,700港幣）。咪以為畀得起錢就有得食，Sorry，每晚限定12名賓客，有錢有面都未必排到你，愈難book愈多人爭住book，一位難求，話畀人聽book到已經好似贏咗全世界。
每枱有個唔見得光的故事
廚神頭號靚仔粉絲Tyler（Nicholas Hoult飾）及寸嘴女伴Margot（Anya Taylor-Joy飾）、著名食評家及編輯、過氣電影紅星及助手、超富貴老夫婦常客，及年輕才俊有幸成為座上客。電影節奏好緊湊，一開場眾賓客登上接駁船到小島開始已經好緊張，侍應從環境及食材開始介紹，每日在海邊捉到乜就食乜，就算伴碟的石頭及花都取之島上，然後七道料理都有一個好有意思的名稱，如七宗罪，跟身有屎的賓客真係好匹配。
去到中後段，劇情急轉直下，進入驚悚片模式，有血，嚇人，但同樣好多笑位，節奏更快，廚神由優雅地挖苦到開到口力斥得個殼的美食文化，特別怒轟操生殺大權的美食評論家及連自己食過乜都唔知，只掛住晒命打卡的KOL。故事荒誕又有創意，視覺呈現有美感，對白簡而精又好笑，如果廚神背景可以講多啲就更好，留意廚神阿媽，全片最黐線角色。
臨時女伴
■Tyler臨時邀請Margot去隱世餐廳，後者聽到每位$1250美元即刻爆粗。
廚神常客
■富貴夫婦係Hawthorn常客，幫襯過十幾次，但完全唔記得之前食過乜，抵鬧。
Power廚神
■Ralph Fiennes演嘅廚神好有氣勢，一拍手我就驚驚。
■咁大盤嘢只係食石上面件帶子。
生殺大權
■食評家同編輯，前者經常用一堆作狀嘅字去形容食物，個人喜好掌握餐廳的生殺大權。
享譽國際的星級廚神Julian Slowik（Ralph Fiennes飾）在西北太平洋小島上開設一間隱世餐廳Hawthorn，叫得隱世都知價錢唔會平，冇錯，Tasting Menu每位$1,250美元（約9,700港幣）。咪以為畀得起錢就有得食，Sorry，每晚限定12名賓客，有錢有面都未必排到你，愈難book愈多人爭住book，一位難求，話畀人聽book到已經好似贏咗全世界。
每枱有個唔見得光的故事
廚神頭號靚仔粉絲Tyler（Nicholas Hoult飾）及寸嘴女伴Margot（Anya Taylor-Joy飾）、著名食評家及編輯、過氣電影紅星及助手、超富貴老夫婦常客，及年輕才俊有幸成為座上客。電影節奏好緊湊，一開場眾賓客登上接駁船到小島開始已經好緊張，侍應從環境及食材開始介紹，每日在海邊捉到乜就食乜，就算伴碟的石頭及花都取之島上，然後七道料理都有一個好有意思的名稱，如七宗罪，跟身有屎的賓客真係好匹配。
去到中後段，劇情急轉直下，進入驚悚片模式，有血，嚇人，但同樣好多笑位，節奏更快，廚神由優雅地挖苦到開到口力斥得個殼的美食文化，特別怒轟操生殺大權的美食評論家及連自己食過乜都唔知，只掛住晒命打卡的KOL。故事荒誕又有創意，視覺呈現有美感，對白簡而精又好笑，如果廚神背景可以講多啲就更好，留意廚神阿媽，全片最黐線角色。
更多文章
