專欄

頭條戲場 - 《海邊電影院》如果你累了……｜頭條戲場

頭條戲場 - 頭條戲場 2023-03-10 列印

睇Olivia Colman演戲絕對是人生一大享受，戲中她叫Hilary，是戲院售票員，身材臃腫、面如死灰、皮膚鬆弛、仲要患精神病，角色由頭sad到尾，以為咁就一世？之後遇上飽受歧視的黑人青年Stephen（Micheal Ward飾），兩人互相救贖，結局充滿希望，攝影及配樂已上神枱。（上映中）　撰文：廖思慧

電影《美麗有罪》金像大導演Sam Mendes繼金球獎最佳電影《1917：逆戰救兵》及《新鐵金剛：智破天凶城》後，首度獨力創作劇本，自編自導這套帶有自傳色彩的文藝片。因為疫症封城，導演有時間回望人生，坦然面對自己的成長回憶，包括家人備受精神病困擾的親身經歷，啟發他寫下《海邊電影院》的劇本，從中帶出動盪時代人與人之間的聯繫，以及電影、音樂和社群的療瘉力量。
冇廢話的電影真係難得

電影故事發生在80年代，主旨是在黑暗中尋找光芒。戲中的一句對白「那一束小小的光，能讓你短暫逃離。」有人生活在光裏，卻感受不到光，同樣地，有人活在黑暗中，但看見曙光。無論是Hilary或Stephen都內藏極深傷痕，同樣代表黑暗。除夕夜，兩人在天台睇煙花，倒數聲中，煙花點亮整個夜空，昏黃的海邊戲院燈牌映照Hilary及Stephen，只用燈光及攝影已能好好講故事，最愛呢種鏡頭語言，兩度贏得奧斯卡大獎及總共獲得15次金像提名的攝影大師Roger Deakins真係好勁，鏡頭下的荒廢餐廳、灰暗天空，甚至海岸線都feel到一種浪漫又崎嶇的情感。

導演重申戲院的必要性，因為有撫慰及治瘉的功能。最後見到坐在戲院一角的Hilary，上揚的嘴角及濕潤的雙眼，放手唔容易，離開是一個新開始。電影先癲後暖，美術靚攝影極靚，願所有破碎靈魂都能搵到自己的避難所。
頭條戲場