頭條戲場 - 《命案》 祝大家長命百歲｜頭條戲場
頭條戲場
2023-04-28 00:00
字體大小
電影主題是銀河映像最拿手的宿命論，一個精神分裂的風水佬冒癲拯救心理變態後生仔的故事。有種師兄弟歸位的感覺，由一開場緊張到散場，全程keep住坐立不安，濃烈黑色幽默及血腥暴力，集懸疑、驚悚、查案於一身，有唔少笑位仲要幾勵志，好睇喎。（上映中） 撰文：廖思慧
中文戲名好易令人誤會係一般查案片，叫《命‧案》會唔會好啲？英文片名《Mad Fate》直譯瘋狂的命運，清楚明白晒。父母都有精神病的林家棟，遇上嗜血茶餐廳太子爺楊樂文（Lokman），經過多種算命方法，知道對方會有一個火山級大劫，「好大鑊，橫跨20年。」家棟為幫對方改命，搞到自己又癲又喪仲爭啲死。根本兩個人都唔正常，拍埋一齊睇吓邊個條命夠硬。
做一個善良的人
《命案》個命係人命亦解作命水，好多人成日都話點解我老竇唔係李嘉誠？好醜真係命生成？戲中有大量改命加改運方法，例如忌火就咪食煙、屋企千祈咪放空雀籠、多行善、吉利說話要常講。究竟「一切皆是命，半點不由人。」還是「萬般皆是心，點點皆由人？」電影就係話你知，「你係可以揀嘅。」全場最印象深刻，警察、兇手、熱血風水佬及天生PK仔在麵店同場一幕，嗰種一觸即發真係睇到要深呼吸，好耐未試過睇港產片有如此觀感。
電影節奏明快，回味無窮，家棟由頭帶到尾，陳湛文令人心寒，Lokman非常有驚喜，論演戲他絕對是MIRROR的上弦，祝在影壇海闊天空。最重要臨尾竟然被安慰到，多謝導演。
頭條戲場
隨時殺人
■因為曾經錯過一啲嘢，家棟好想幫人，見到Lokman「赤脈貫睛」隨時殺人，盡救。
放生之禍
■家棟認為放生好大功德，可幫Lokman積福，但個天好有性格，唔係你畀就要，最終搞到成地雀屍，陰功。
恐怖湛文
■睇新聞睇得多，啲變態殺手或者無差別殺人犯個樣都好普通，但內心好兇殘。
釘死Lokman
■吳廷燁飾演警察，拉過童年Lokman，認定佢係變態人渣，睇死佢冇得改。
天命難違
■家棟經常望個天，究竟天命難違，還是人定勝天？
爛賭鳳姐
■伍詠詩飾演一樓一，貪錢又爛賭，同樣有大劫，仲搬正喺Lokman隔籬，累鬥累。
怪招改命
■為幫Lokman改命，家棟怪招盡出，包括同死人換命，你睇Lokman幾驚。
中文戲名好易令人誤會係一般查案片，叫《命‧案》會唔會好啲？英文片名《Mad Fate》直譯瘋狂的命運，清楚明白晒。父母都有精神病的林家棟，遇上嗜血茶餐廳太子爺楊樂文（Lokman），經過多種算命方法，知道對方會有一個火山級大劫，「好大鑊，橫跨20年。」家棟為幫對方改命，搞到自己又癲又喪仲爭啲死。根本兩個人都唔正常，拍埋一齊睇吓邊個條命夠硬。
做一個善良的人
《命案》個命係人命亦解作命水，好多人成日都話點解我老竇唔係李嘉誠？好醜真係命生成？戲中有大量改命加改運方法，例如忌火就咪食煙、屋企千祈咪放空雀籠、多行善、吉利說話要常講。究竟「一切皆是命，半點不由人。」還是「萬般皆是心，點點皆由人？」電影就係話你知，「你係可以揀嘅。」全場最印象深刻，警察、兇手、熱血風水佬及天生PK仔在麵店同場一幕，嗰種一觸即發真係睇到要深呼吸，好耐未試過睇港產片有如此觀感。
電影節奏明快，回味無窮，家棟由頭帶到尾，陳湛文令人心寒，Lokman非常有驚喜，論演戲他絕對是MIRROR的上弦，祝在影壇海闊天空。最重要臨尾竟然被安慰到，多謝導演。
頭條戲場
最Hit
更多文章
