筆泰沖動——超值布吉五星Pool Villa

  唔係講大話!勢估唔到世界有名的Banyan Tree,仲要係Pool Villa,都只是3,000銖就可以

住到!

  話說今時今日,泰國基本上所有酒店都會有優惠畀本地人,而政府更加鼓勵泰國人穿州過省去住酒店。疫情期間布吉島這間頂級酒店本身已有優惠價(5,000銖),但申請了政府優惠後大概3,000銖就可以埋單!

  別以為這個價錢一定是住舊房或者最差的一種房,其實是住他們最新的一種簡單Pool Villa。Villa外面有兩部單車,方便你自己在酒店範圍內四圍去,房間不算超大,但如果一至兩人入住絕對舒服!最重要是出面有私人泳池,而泳池旁邊有個小型水力按摩缸,更加是恒溫的不會冷親!

  所謂與時並進,自從峇里島某酒店推出了Floating Breakfast之後,泰國所有的Pool Villa酒店都爭相仿效,這間國際五星酒店也不例外,他們的Floating Breakfast食物選擇也算豐富,而且更有香檳。於是情侶們又可以在自己的Villa中影相打卡食早餐!

  酒店內更有一個經常舉行國際賽事的高爾夫球場,現時收費18個洞2,500銖,當然也設有俱樂部,工具、鞋襪、衣服全部有齊。而著名的Spa位於酒店的獨立小屋之中,為住客提供體貼服務,而且也有特別優惠,老公去打Golf,老婆去做Spa,之後再來一個Villa內的BBQ也可以。所以難怪泰國很多本地人都走去住,尤其價錢實在吸引!

胡慧沖

hd