任睇No.1
  • 28º
  • 73%
  • 2022年9月25日 星期日

胡慧沖 - 曼谷酒店逆市奇招|筆泰沖動

雖然泰國的疫情看似好轉,而且很多遊客都已經陸續重返泰國,我身邊有些香港朋友更不介意返回香港要隔離七天,只求可以品嚐一味正宗冬陰功,而放下一切來泰國玩一頭半個月,在如此情況之下,酒店的生意相信都應該不錯,但其實與疫情前相比,遊客量依然不算十分理想,所以各大酒店都得各出奇謀。

舉例說鄰近Silom BTS站的Le Méridien Bangkok酒店,五星級質素之餘,最大賣點就是他們的自助早餐別具心思。自己都住過好多不同酒店,自助早餐斟橙汁飲點解往往都係細杯?食個早餐飲杯橙汁都要來回行幾次!但這裏除了細杯之外亦有大杯提供,等你飲得滿足!

食物方面,除了普通雞蛋,也有冬陰功蛋!蛋糕麵包方面亦有冬蔭成份的麵包,而且食物種類非常多元化。為了吸引多些人到來光顧,最近酒店更加推出早餐優惠,大約400銖左右便可享用酒店的豐富自助早餐!我平時在曼谷簡單食個早餐,麥當勞都要約200銖,畀多200銖左右就可以食到這些酒店級的早餐,這一招確實使得!
胡慧沖

hd