胡慧沖 - 千呼萬喚過江龍|筆泰沖動

在香港享有名氣的卅二公館,其實也是不少泰國人到香港旅遊時必去食的地方。唔好話泰國人只食地道草根嘢,事實上每個國家、每個地方都有有錢人和窮人,香港都一樣,再者去這些名店食飯唔代表一定超級有錢,只不過大家喜歡食而矣。

這間香港名店即將在泰國開業,在網上已經開放訂位,但據知兩個月的預訂已經全部爆滿,一位難求!究竟這個過江龍來到泰國,味道會否和香港的一樣呢?事實上某些在香港十分有名的食肆,一來到泰國可能因為食物的DNA質素,又或者師傅的來源或其他因素,總不是香港的那些味道,今次這個卅二公館又會否令大家失望呢?

雖然自己仲未有機會去試,但估計有一樣嘢一定唔會令自己失望,就係港式凍檸茶!唔好睇小佢,喺泰國唔係咁容易搵到港式凍檸茶,之前曾經入住卅二公館所處的The Standard Bangkok酒店,亦有去參觀過這間餐廳,環境裝修絕對冇問題,但食物質素是怎樣仍有待揭盅……還有價錢方面,會平過香港定還是貴過,暫時仍是一個謎。不過對於識食的泰國人來說,點都平過專登搭飛機去香港食,所以未開先爆亦有佢嘅原因。

據說香港一班卅二公館的廚師現已身處曼谷部署一切,期望有一日可以品嚐到正宗港式凍檸茶之外,亦可以食到正宗港式口味,唔好令大家失望。
胡慧沖
更多文章