胡慧沖 - 點解泰國美食咁鬼平|筆泰沖動

最近採訪了一個食泰式自助餐的地方Mungkorn Seafood,所謂自助餐其實是BBQ燒烤。

在指定價錢之下,大家可以任揀冰鮮海鮮,甚至乎游水活蝦和活蟹拿來燒烤,怕麻煩的話,加錢也可以由店方為你煮熟來吃,價錢每人只不過399至499銖,眼見十分多泰國人光顧,採訪那天店舖下午1時開門,但12時多已經有很多人在門外排隊,未到2時更已座無虛席,更重要的是這個價錢任食是沒有時間限制,基本上食到晚上10時收舖都仲得!

評價是超級平靚正!除了燒海鮮,也有一些熟食,當然這些熟食未必是超級美味的泰式食品,但以這個價錢來說冇投訴,因為真的很有風味。眼見個個泰國人把那些活蝦當正殺父仇人一樣,一盤一盤的拿去放在炭爐上燒,男女老幼都食得好開心。其實類似燒烤任食的地方在泰國也有不少,但有游水活蝦就真的少見,再加上價錢實在十分吸引。對於香港人來說,可能會覺得食完燒完成身味,但如果講氣氛和環境,這裏絕對值得推介。

其實這店在泰國已有多年歷史,而且開了幾間分店,除了這間,另外更有一間價錢貴少少,但人客不用自己燒,所有食物有專人替你燒好送到面前,方便又慳時間,更不用成身都是燒烤味,所以話泰國美食係咪超級平靚正呢!
胡慧沖
更多文章