胡慧沖 - 今年聖誕特別早|筆泰沖動

萬聖節過後好快趣就到聖誕節,現時泰國部份地方已經有聖誕樹出現,而Centralworld門外亦都佈置緊聖誕樹。事實上泰國每年聖誕氣氛最濃烈、最熱鬧的地方一定是Centralworld外面廣場。還記得早幾年疫情下依然有搞聖誕佈置,現時在泰國人心目中疫情總算慢慢消失,所以今年更加會大搞!

收到消息,11月9日Centralworld外面的廣場將會完成聖誕樹和其他佈置,而且仲會有開幕儀式!今年主題犀利喇,會同韓國的Line Friends合作,一眾卡通人物都會出現。

其實每年Centralworld外的聖誕佈置總會有主題因版權問題,有時未能將一些膾炙人口的卡通人物放在這裏,記憶中便曾經有史諾比……而今次就與Line Friends Crossover合作,所以應該很有睇頭,11月9日開始大家到曼谷旅行都不妨去呢度影相打卡。而其他各大商場應該都會各出奇謀,估計誇張豪華的聖誕佈置裝飾將會一一出現,務求令大家能夠真真正正享受一個快樂聖誕。小弟今年似乎都未能去東京過聖誕,Centralworld外面應該會係我唯一選擇。
胡慧沖

hd