胡慧沖 - 香港遊客開始變態|筆泰沖動

所指「變態」,唔係講緊心理變態,而係講旅遊常態。

以往香港遊客到泰國曼谷旅行,大多數都只會在BTS站附近活動,唔會去太遠地方,但可能經歷咗三年冇嚟到,所以旅遊模式和心態都有所改變。近日去了一間較為遠離市中心、起碼超過1小時車程的餐廳採訪,出奇地都見到好多香港朋友,原因係他們想試吓非一般的曼谷,情侶一雙又或者一家人都會包車去一些較遠的地方去食飯、影相,這個就是旅遊模式的新變態。

話說剛剛所講的這個地方,其實已經開了八年,是在曼谷外圍一間半露天的餐廳,名叫After the Rain,中間有池塘及種有很多植物,人客在兩旁食飯之餘,最有趣就是可以泛舟池塘上,即是扒艇仔,都是一個很有趣的體驗。

雖然食餐飯價錢貴過車費,但老實講,喺香港同曼谷市中心都未必找到如此風情。其實在泰國曼谷和附近省府都有不少這類地方,往往給十幾畝地一望無際風景畀大家食飯影相打卡,但以前不敢多作介紹,因為覺得包車幾個鐘頭去食餐飯,食嘢係平,但車費貴,聽起來都幾荒謬,點會有人去?但原來大家都鍾意呢種風情,而且心態亦已經改變,所以日後繼續發掘多一些這類較遠但有特色的餐廳咖啡店,其實也有作為。

其實就以泰國來說,77個省府各有特色,唔一定曼谷、芭堤雅、華欣、清邁、布吉這些熱門地方,如果願意包車和去遠啲的話,很多省府都有唔同風情唔同特色,好多時泰國人自己放假旅遊都會揸車穿州過省去旅行的。
胡慧沖

hd