教練心經——靈丹心藥

  每周在電台都分享許多心靈金句,惟電光火石間聽眾可能未及消化,所以安排在這把這些靈丹心藥奉獻給讀者,方便大家細嚼回味!

  所有心理疾病都容易引發失眠問題,反過來講,只要解決失眠問題,對舒緩身心疾病會有好大幫助!千祈咪睇小休息嘅力量呀!

  要瞓番個好覺,就要記住「心安則神寧、神寧則意清、意清則利鬆弛」,識得放鬆就係化解失眠最重要法則!如果萬一真係有心事,千祈唔好側側膊,搵個教練同你傾下啦!

  瞓覺之前應該好好咁為自己重設狀態,無論生活或工作發生過乜嘢事,同自己講:「問題一定可以解決,但唔係而家,而家我要好好地放鬆瞓番覺好嘅!休息完我就會可以全力以赴嘞!」記住唔瞓覺係解決唔到問題嘅!

  「同一個地球,另一個世界!」呢句說話係提醒我哋,每個人都會以自己獨特而個人嘅方法理解事情。自己假定嘅嘢,對他人嚟講,未必係屬實!所以唔確定就問,千祈唔好估估吓啦!

  甚麼「逆地而處、換位思考!」都只係空中樓閣、可望不可即!要切實理解他人,首先要肯放下自己嘅成見,進入對方世界反望自己,咁一切真相自然會大白,同理心就係咁嚟!

  有心靈需要嘅人,一啲都唔可笑,因為佢哋能夠勇於道出自己內心嘅問題!最可笑嘅其實係為了保持別人眼中形象,而否定自己有內心需要的儍瓜!記住!

  心靈健康係一切之本,要誠實面對自己內心嘅需要啊!

啟導教練

劉丹心

hd