車情車趣——虛擬賽車抗疫

  歐、美、亞洲地區疫情嚴峻,所有賽車(及其他運動)項目即時停止,好悶,點算好?唯有上網「鍊車」啦。

  筆者上星期去到馬來西亞Sepang賽車場,開一部法拉利488 GT3賽車落場試跑訓練,真係爽!吓,呢個時候你仲飛唔驚中招嗎?唔怕去或返被隔離十四天嗎?當然驚啦,所以我只是在香港柴灣Blackbird Drivers' Club總部,參加Simulator賽車模擬器訓練體驗,感覺非常充實,當日還有一位神秘嘉賓本地著名賽車手教我開賽車,獲益良多,詳情可留意《駕駛艙》社交網站平台4月上架的影片報道!

  我估今次疫情過後,全球各地線上賽車e-Racing活動將會更加活躍,生意肯定更蓬勃,相信日後F1、WEC、WRC等各類型頂級賽車運動界別都會流行網上世界巡迴賽,好處是你和我都可以參加,有機會成為世界英雄,再不是一場小圈子運動,說不定比傳統實體鬥車更加受歡迎,而且不會受疫情威脅,大家有甚麼看法?

[email protected]

彭志揚


hd