車情車趣——人生必試之車

  相信很多汽車發燒友如我,都會有好多白日夢,例如會計劃一下人生必要擁有的十部車,又或如果一生只能擁有一部車,你會買邊部?又或者都咁上下年紀,要諗下人生買的最後一、兩部車,究竟會是甚麼車。總之無時無刻滿腦子都是買車夢,好無聊!很多人都會因為要達成童年夢想,而買回以前覺得很威水的車款,例如我一直認為保時捷是人生必買車之一,結果我先後買過三部「波子」,包括Cayman 2.7手波、993及997 Carrera,擁有了之後又覺得沒甚麼特別(除了993)。人生真是要一部氣冷引擎保時捷911陪伴過世嗎?那又不必。汽車只是工具、機械品,只要留下一份美好感覺記憶在心中,已經足夠了。

  不過我認同一生必要試開一些車,除了氣冷引擎保時捷和福士Beetle,還有Classic Mini Cooper(圖)、本田各款Type R、NSX,甚至任何V8或V12引擎法拉利、V10和V12林寶堅尼……數之不盡,重點是要放眼世界,不論國籍或新舊款式,世上還有極之多好車我都未曾試過,所以不需要特定一款車陪伴過世!

[email protected]

彭志揚

hd