美股上周低收,港股預託證券偏軟,但恒指本周開局仍然撐住,收市微升6點,投資者已經不能太過苛求。
市場焦點之一係二線股大昌行(1828),由於大股東提出私有化,大昌行股價飆升,收報3.52元,勁升30%。由於現時私有化門檻不低,過往都有私有化建議埋門脫腳,股民高追就食悶棍。大昌今次私有化出價每股3.7元,向小股東提出私有化,較最後交易日的2.69元收市價,有38%溢價,但仍比上市價5.88元低,有無足夠小股東支持這個私有化建議,實在唔易估計。
大昌行主要在中港及東南亞經營汽車代理,內地汽車行業喺兩年前係景氣循環的高峰期,今年業務出現調整,所以成個板塊下調,加上最近社會事件嚴重影響消費,股價插到近年低位,大股東呢個時候出手,好明顯係想執平貨。
經過昨日急升後,大昌行資產淨值每股5.4元,市盈率8倍,息率5厘。用唔同標準去睇,大股東都出價都係有着數,因為大昌行資產中,包括喺九龍灣嘅維修中心,呢啲物業資產價值變現能力高,而且做生意點都要有經營地點,其他人冇呢啲物業,根本難以競爭,正因如此,大股東才會趁住兵荒馬亂,擲大筆現金來私有化。
美團小米受港股通刺激
大股東有實力低吸,考慮嘅係中長線增值。小股東睇法有啲唔同,主要睇短期回報,因為小股東只係投資唔係經營,今日可以買,明日可以賣,唔同公司管理層收人工要做好盤生意,所以小股東最重要係從回報考慮。現時抬頭四望,可以見到平貨滿街,大昌行係好公司,有基本因素又有資產,但有同樣質素的公司依然不少,現在先快賺一筆,買回同樣質素股份長線投資,等同回報提高三成,理性上有一定吸引力。
有分析指,大昌行當年招股價5.88元,事隔10多年出價比當年還要低一大截,言下之意覺得大股東出價太低。從上市價角度去看,私有化價格確實不夠吸引,但睇返大昌行上市多年,股價最高喺2012年到過10.88元。認購新股的股東呢個時間套現,回報相當吸引,從理論角度上市後股價無大走樣,股東有機會高價套現,可以話責任已經完成。當年冇賣係唔係現在就不應接受私有化,從投資角度回望歷史其實意義不大,最重要係看目前同未來。從昨日股價反應,似乎大家對私有化機會相對樂觀,所以股價升近私有化價格。
過去小股東同基金對私有化出價比較執着,要求折讓不能太低,但經過電盈(008)私有化要貨不要錢的經驗,大家發覺講原則死坐未必有利,所以後來合和私有化雖然折讓好大,一樣獲得通過。今次大昌行股價急升,對小股東而言係好事,提供一個提前套現的選擇,若然手頭資金不多的股民,可以考慮先沽一半,套現買入其他抵買的殘股,希望找到下一隻大昌行,其餘一半收足全價,兼觀望看看有無加價機會。
大市昨日基本係牛皮,恒指收報26725點,微升6點;國指收報10543點,漲3點,成交金額637億元。藍籌中近排當炒的美團點評(3690)再急升4.3%,收報96.75元,估計係染藍前大家踩多轉。香港分店被毀的小米集團(1810)傳納入港股通,急升5%,收報8.98元。同樣獲納入港股通名單,百威亞太(1876)股價曾升至31.75元,收揚4.3%,報31.45元,成交5.57億元。港交所(388)宣佈放棄迎娶「皇帝女」後,投資者情緒開始平復,昨日升1.9%,收報242.6元。
中手游孖展有點熱
市場近日似乎傾向炒科企,眾安在線(6060)抽升8.4%,收報25.75元;閱文(772)炒高5.4%,收報31.45元;易鑫(2858)彈4.3%,收報1.97元。招股中的中手游(302)獲七大基石投資者捧場,半日孖展已錄得超額認購。公司上周六已開始招股,昨日開始首日孖展,認購額達7億元,相當於公開發售部份集資額1.3億元,超購4.4倍。
陸羽仁
金融High Tea——尋找下一隻大昌行
其他
更多- 金融High Tea——工業股下游叫苦上游笑2021-01-27
- 金融High Tea——保利協鑫兼獲中美加持2021-01-26
- 金融High Tea——水多難有股災2021-01-25
- 金融High Tea——抱團基金炒過龍引發回吐2021-01-22
- 金融High Tea——如果雲知道2021-01-21
- 金融High Tea——北水踏藍浪而來 美國派錢一日食胡2021-01-20
- 金融High Tea——「蘿柚」夠厚賺錢易2021-01-19
- 金融High Tea——老美派錢 唯有去執2021-01-18
- 金融High Tea——大樹遮蔭 科技股仔爆升2021-01-15
- 金融High Tea——美版華為 泡泡愈吹愈大2021-01-14
- 金融High Tea——保險股大炒孳息線斜上2021-01-13
- 金融High Tea——道富縮骨 盈富縮沙2021-01-12
- 金融High Tea——尋找疫情受損股2021-01-11
- 金融High Tea——國會失守股照炒2021-01-08
- 金融High Tea——A股力挺 輪炒落後2021-01-07
- 金融High Tea——保值投資者的孤獨2021-01-06
- 金融High Tea——跟紅頂白炒開局2021-01-05
- 金融High Tea——2021炒復常2021-01-04
- 金融High Tea——長短棍食盡上游工業股2020-12-31
- 金融High Tea——中海外平賣 老散鬥美資大戶2020-12-30
- 金融High Tea——巨網失資 友邦得益2020-12-29
- 金融High Tea——保利協鑫豪賭「顆粒硅」2020-12-28
- 金融High Tea——人望高處 股望上游2020-12-24
- 金融High Tea——基金食胡 散戶伺機購物2020-12-23
- 金融High Tea——變種特攻砌低英資股2020-12-22
- 金融High Tea——煤股繼續有得炒2020-12-21