早上回到直播室，肚餓非常，去canteen吃個早餐。
編導Bill爺話，就快開咪，仲吃餐蛋麵。
回個神來，才記起。我正實行168減肥法。昨晚九點吃完一餐，應該要餓多四個小時。
所謂168減肥法，即係一日之內，十六個鐘頭不吃東西，其餘八個鐘頭可以任吃。
即係話，九點鐘吃完晚餐，一直餓十六個鐘頭，第二朝的一點鐘開始，可以吃午餐，任吃八個鐘至九點鐘為止。
問題來了，這個168減肥法，與我之前一個專家建議減肥方法，一百八十度相反。
專家跟我說，你要減肥減得健康，第一，早餐要吃得飽，像皇帝一樣。午餐要吃得好，像主人一樣，但是，晚餐要吃得少，像乞丐一樣。日間要吃得多，晚上有咁少吃咁少。
兩個減肥法，南弦北轍。一個吃豐富早餐，一個可以連早餐不吃。一個晚餐幾乎可以不吃，另一個晚餐盡情大吃，之後，一直捱過十六小時。
不過，想深一層，沒有大矛盾，萬變不離其宗，目標一個，都係盡量少吃。拉勻條數，都係盡量少吃多出，好似我們的荷包，入不敷支，你想唔瘦都變難。最共通一點，就係「長期保持飢餓狀態」。
專家話，飢餓不單止可以減肥，而且可治百病。人類的身體有自瘉機能，在饑饉狀態之下，細胞特別活躍，會跑到身體四肢各大器官，進行修補療傷，less is more，吃得少，收穫更多，信不信由你。
林超榮
;){kind=link}
;){kind=link}
;){kind=link}
;){kind=link}
;){kind=link}
;){kind=link}