超人能量——搬屋上網

  年尾朋友搬家,離開住了三年的村屋。他初搬入村,大讚低密度,夠清靜,丁屋七百呎,全實用面積,無花無假。他又養貓狗,認識不少毛孩之友。村屋偏僻,他是駕車人士,更無交通不便。

  我問:「為何要搬?」「一個理由,是網絡不便。」

  他是IT人,過去一年基於疫情關係,大多數時間都要留在家中工作,但家居WiFi接收不穩定,速度緩慢,明明是寬頻,但畫面總是轉極也轉不出來,遇有工作需要趕時間,更加憫憎。

  他曾轉換過多間通訊商,一些聲言有「寬頻」,未見頻速改善,甚至有網絡商揚言光纖直入屋,講足三年,牙簽都未鋪到,現在都進入5G時代,只好忍痛搬家。

  「且慢」,我話:「在飯局中,有傳媒友人發現,推出全新Home 5G計劃,令家住村屋的IT人,homeworker如獲救星,毋須龜速上網。」

  這個5G服務計劃,全新技術,網絡商不用掘地鋪線。只要有5G發射站,插個Router即用得。

  由於不受光纖網絡限制,遇到單幢式私人大廈、村屋、唐樓、甚至偏遠地區,都可以用得上。

  大人在家用Zoom開會、小朋友線上打機,極速支援。另一好處是免拉線免安裝費用,將來搬屋都毋須任何搬遷費;帶個Router搬到邊都用得,5G無限數據,都不用兩舊水一個月。可惜,朋友已搬家,大歎走寶……

林超榮


hd